جامبىلداعى جارىلىس كەزىندە قيراعان نىساندار قالپىنا كەلتىرىلەدى

جارىلىس سالدارىنان 118 نىسان قيراعان

جامبىل وبلىسىندا اسكەري قويمادا بولعان جارىلىس كەزىندە قيراعان نىساندار قالپىنا كەلتىرىلەدى. بۇل تۋرالى جامبىل وبلىسى اكىمدىگىنىڭ قۇرىلىس باسقارماسىنىڭ باسشىسى ەرلان ورىنبايەۆ وڭىرلىك كوممۋنيكاسيالار قىزمەتىندە جارىلىستان زارداپ شەككەن اۋماقتى قالپىنا كەلتىرۋ بارىسى تۋرالى وتكەن بريفينگتە ايتتى، دەپ حابارلايدى Almaty-akshamy.kz 

«جامبىلداعى جارىلىستىڭ سالدارىنان قيراعان عيماراتتاردى قالپىنا كەلتىرۋ مەن شىعىندى ەسەپتەۋ ءۇشىن اكىمدىك ارنايى توپ قۇردى. بەس جۇمىس توبى وسى جۇمىستارمەن اينالىسادى. ونىڭ قۇرامىندا «قازقسعزي»، جوبالىق ۇيىم وكىلدەرى مەن تجم وكىلدەرى بار»، - دەدى ەرلان ورىنبايەۆ.

ورىنبايەۆ اتاعانداي، 47 نىسانعا «قازقسعزي» تەحنيكالىق شەشىم شىعاردى.

«الدىن الا مالىمەتتەر بويىنشا، جارىلىستان 118 جىلجىمايتىن جەكە مۇلىككە زارداپ كەلگەن. ونىڭ ىشىندە 106 تۇرعىن ءۇي مەن 12 كوممەرسيالىق ۇيىم. ونىڭ ىشىندە 35 ءۇي مەن 12 كوممەرسيالىق ۇيىم ايتارلىقتاي قيراعان. بۇگىندە 12 مەردىگەرلىك ۇيىم قالپىنا كەلتىرۋ جۇمىستارىنا كىرىستى. 23 تەحنيكا مەن 185 قىزمەتكەر جۇمىس ىستەپ جاتىر. 71 تۇرعىن ءۇي جەڭىل قيراعان. ونىڭ 43-ىندە جوندەۋ جۇمىستارى اياقتالدى»، - دەدى ول.

وزگە نىسانداردى جوندەۋ جۇمىستارى 1-1،5 اي ىشىندە اياقتاۋ جوسپارلانعان.

«ءتورت الەۋمەتتىك نىسانعا زيان كەلتىرىلگەن. ونىڭ ۇشەۋى مەكتەپ بولسا، بىرەۋى - مەدپۋنكت. جىبەك جولى اۋىلىنداعى ورتا مەكتەپ ايتارلىقتاي قيراعان»، - دەدى ول.