قۇجاتتاردى قابىلداۋ 2025 جىلعى 1 ماۋسىمدا باستالىپ، 1 شىلدەگە دەيىن جالعاسادى، دەپ حابارلايدى aqshamnews.kz
قازاقستان رەسپۋبليكاسى مادەنيەت جانە اقپارات مينيسترلىگى قايىرىمدىلىق سالاسىنداعى قۇرمەتتى اتاقتى بەرۋ ءۇشىن وتىنىمدەردى قابىلداۋ باستالعانىن حابارلايدى. بۇل ماراپات قايىرىمدىلىق قىزمەتىن دامىتۋعا ەلەۋلى ۇلەس قوسقان مەسەناتتاردى، قايىرىمدىلىق ۇيىمدارىن جانە ۆولونتەرلەردى ىنتالاندىرۋعا باعىتتالعان.
قۇرمەتتى اتاققا ۇمىتكەرلەردى مەملەكەتتىك ورگاندار، جەكە جانە زاڭدى تۇلعالار ۇسىنا الادى. قۇجاتتاردى مادەنيەت جانە اقپارات مينيسترلىگىنە كەلەسى تاسىلدەردىڭ بىرىمەن ۇسىنۋعا بولادى:
• ەلەكتروندىق پوشتا ارقىلى: zvanie_2023@mbx.kz (PDF فورماتىندا)؛
• پوشتامەن، حابارلاما قاعازىمەن بىرگە؛
• مينيسترلىكتىڭ كەڭسەسىنە قاعاز جانە ەلەكتروندىق تاسىمالداعىشتا (CD-ديسك نەمەسە USB-فلەش-جيناقتاۋشىدا DOC، DOCX نەمەسە PDF فورماتىندا) قولما-قول تاپسىرۋ ارقىلى.
جەڭىمپازدار پارلامەنت دەپۋتاتتارى، ازاماتتىق قوعام، كۆازيمەملەكەتتىك سەكتور جانە مەملەكەتتىك ورگاندار وكىلدەرىنەن قۇرالعان كونكۋرستىق كوميسسيانىڭ شەشىمىمەن انىقتالادى.
سالتاناتتى ماراپاتتاۋ ءراسىمى 2025 جىلدىڭ قازان ايىندا وتەدى.
قوسىمشا اقپاراتتى مىنا تەلەفوندار ارقىلى الۋعا بولادى:
(87172) 74-03-11، 74-12-86