30 ماۋسىمنان باستاپ رەسەيگە بارۋدى جوسپارلاعان شەتەل ازاماتتارى ەلگە كىرمەي تۇرىپ كەمىندە 3 تاۋلىك بۇرىن (72 ساعات) ەلەكتروندى تۇردە ساپارىنىڭ ماقساتى جايلى ءوتىنىش تولتىرۋى ءتيىس، دەپ حابارلايدى aqshamnews.kz
بۇل تۋرالى رەسەي ءىىم رەسمي وكىلى يرينا ۆولك مالىمدەدى.
جاڭا تالاپ primarily ۆيزاسىز رەجيممەن كىرەتىن شەتەلدىكتەرگە قاتىستى بولادى. سونىمەن قاتار، كامەلەتكە تولماعاندار مەن ارەكەتكە قابىلەتسىز ازاماتتاردىڭ زاڭدى وكىلدەرى دە وسى ەرەجەگە باعىنۋى قاجەت.
- 30 ماۋسىمنان باستاپ رەسەيگە ۆيزاسىز رەجيممەن كىرەتىن شەتەل ازاماتتارى، ونىڭ ىشىندە كامەلەتكە تولماعانداردىڭ جانە ارەكەتكە قابىلەتسىز تۇلعالاردىڭ وكىلدەرى، جوسپارلانعان ساپارعا دەيىن 72 ساعاتتان كەشىكتىرمەي ەلەكتروندى ءوتىنىش تولتىرۋى ءتيىس، – دەپ جازدى يرينا ۆولك ءوزىنىڭ Telegram-ارناسىندا.
ەگەر رەسەيگە شۇعىل بارۋ قاجەت بولسا، ءوتىنىشتى ساپارعا دەيىن كەم دەگەندە 4 ساعات بۇرىن تولتىرۋعا رۇقسات ەتىلەدى. ءبىراق مۇنداي جاعدايدا ساپاردىڭ شۇعىلدىعىن دالەلدەيتىن قۇجاتتاردى قوسا ۇسىنۋ قاجەت بولادى.
بۇل شارا رەسەي ۇكىمەتىنىڭ قاۋلىسىمەن بەكىتىلگەن.
بۇعان دەيىن قازاقستاندىقتار رەسەيگە كىرگەن كەزدە ساۋساق ىزدەرىن تاپسىرۋعا مىندەتتى بولاتىنىن حابارلاعان ەدىك. بۇل ەرەجە دە 30 ماۋسىمنان باستاپ كۇشىنە ەنەدى. ەندى كورشى ەلگە بارۋ ءۇشىن كەمىندە 72 ساعات بۇرىن RuID پلاتفورماسى ارقىلى ەلەكتروندى ءوتىنىم بەرۋ جانە بىرەگەي QR-كود الۋ قاجەت.