"قايرات" توپتىق كەزەڭگە العاشقى قادام جاسادى

«قايرات» سىرت الاڭدا جەڭىسكە جەتتى

ۋەفا كونفەرەنسيا ليگاسىنىڭ كەزەكتى كەزەڭىندە الماتىلىق «قايرات» ليۋكسەمبۋرگتىڭ «فولاسىن» ۇتتى، دەپ حابارلايدى Almaty-akshamy.kz.

العاشقى ماچتى 4:1 ەسەبىمەن ۇتقان اياقدوپشىلارىمىزدىڭ ەندى توپتىق كەزەڭگە وتۋگە مۇمكىندىگى بار.

العاشقى گولدى كەزدەسۋدىڭ 15-مينۋتىندا قارسىلاس كوماندادان ميرزا مۋستافيچ سوعىپ، ەسەپ اشقان. كوپ ۇزاماي، "قايرات" كلۋبىنىڭ شابۋىلشىسى ارتۋر شۋشەناچيەۆ ەسەپتى تەڭەستىردى. ويىننىڭ 37-مينۋتىندا جەرلەس كوماندا ساپىنداعى ۆاگنەر لاۆ «فولا» قاقپاسىنا تاعى ءبىر گولدى دارىتتى. كەزدەسۋدىڭ ءبىرىنشى تايمى 1:3 ەسەبىمەن جەرلەستىرىمىزدىڭ باسىمدىعىمەن اياقتالدى.

ماچتىڭ ەكىنشى تايمى دا تارتىستى ءوتتى. ويىن بارىسىندا بىرتىندەپ قارقىن العان قايراتتىقتار ەسەپ ايىرماسىن ۇدەتە ءتۇستى. «قايراتتىڭ» بۇل كەزدەسۋدەگى ءتورتىنشى گولىن پەنالتيدەن ۆاگنەر لاۆ سوقتى.  

وسىلايشا، «قايرات» ەۆروكۋبوكتىڭ توپتىق كەزەڭىنە سەنىمدى قادام جاسادى. ەندى جەرلەستەرىمىز ءوز الاڭىندا «فولالىقتارمەن» 26 تامىز كۇنى الماتى قالاسىنىڭ «ورتالىق» ستاديونىندا كەزدەسەدى. ويىننىڭ باستالۋى: 20.00.