2021 جىلعى 19 تامىزدا اباي اتىنداعى قازۇپۋ-دا ق ر پارلامەنتى ءماجىلىسىنىڭ دەپۋتاتى جۇلدىز سۇلەيمەنوۆا ۋنيۆەرسيتەتتىڭ پروفەسسور-وقىتۋشىلار قۇرامىمەن كەزدەستى، دەپ حابارلايدى almaty-akshamy.kz
كەزدەسۋگە اباي اتىنداعى قازۇپۋ رەكتورى دارحان ءبىلالوۆ، الماتى قالاسى ءماسليحاتىنىڭ دەپۋتاتى رايحان بولەكبايەۆا، «نۇر وتان» پارتياسى الماتى قالالىق فيليالى ءتوراعاسىنىڭ ورىنباسارى قايرات بيسەمبايەۆ جانە الماتى قالاسى قوعامدىق دامۋ باسقارماسى جاستار مەن وتباسىن تۇراقتى دامىتۋ ءبولىمىنىڭ باسشىسى ورىنباسار قۇدايبەرگەنوۆ جانە ۋنيۆەرسيتەت باسشىلىعى قاتىستى.
ءىس-شارا بارىسىندا ءبىلىم جانە عىلىم سالاسىن دامىتۋدىڭ وزەكتى ماسەلەلەرى تالقىلاندى: جاڭا مەكتەپتەردىڭ باسشىلارىن جانە ولاردىڭ وقۋ-تاربيە جۇمىسى جونىندەگى ورىنباسارلارىن، ادىسكەرلەردى دايارلاۋ، پەداگوگيكالىق پراكتيكانىڭ جاڭا ادىستەرىن قالىپتاستىرۋ، روبوتوتەحنيكا، STEMء-بىلىم بەرۋدى دامىتۋ، قالالىق جانە اۋىلدىق مەكتەپتەر اراسىنداعى ءبىلىم بەرۋ ساپاسىنداعى الشاقتىقتى جويۋ، اباي اتىنداعى قازۇپۋ بازاسىندا مەكتەپتەردى باسقارۋ جانە كوشباسشىلىق بويىنشا بىلىكتىلىكتى ارتتىرۋدىڭ ارنايى كۋرستارىن ۇيىمداستىرۋ، ۋنيۆەرسيتەتتىڭ ۇزدىك تۇلەكتەرىن شەتەلدىك جوعارى وقۋ ورىندارىندا وقىتۋ، ينكليۋزيۆتى سىنىپتاردى اشۋ، ولاردىڭ نەگىزىندە ءبىلىم بەرۋ قاجەتتىلىكتەرى بار وقۋشىلارعا جاعداي جاساۋ جانە ولارعا قاجەتتى پسيحولوگيالىق قىزمەت كورسەتۋ.
قازىرگى تاڭدا تاربيە ماسەلەلەرى ءبىرىنشى ورىندا بولعاندىقتان، تاربيە جۇمىسىمەن اينالىساتىن مەكتەپ كادرلارىن وقىتۋ جانە قايتا دايارلاۋ پەداگوگيكالىق جوعارى وقۋ ورىندارى ارقىلى جۇزەگە اسىرىلۋى قاجەت ەكەنى ايتىلدى. سونداي-اق، كەزدەسۋگە قاتىسۋشىلار ءبىلىم بەرۋ سالاسىنداعى وزەكتى ماسەلەلەر بويىنشا پىكىر الماستى.
دارحان ءبىلالوۆ مەكتەپتەر ءۇشىن ءبىلىم بەرۋ كادرلارى مەن كوشباسشىلارىن دايارلاۋ ماسەلەلەرىن شەشۋدىڭ ماڭىزدىلىعىن، ينكليۋزيۆتى ءبىلىم بەرۋ باعدارلامالارى بويىنشا مۇعالىمدەردى دايارلاۋدى قامتاماسىز ەتۋ، مۇعالىمدەردىڭ بىلىكتىلىگىن ارتتىرۋ، مەكتەپ ديرەكتورلارىن وقىتۋ قاجەتتىلىگىن اتاپ ءوتتى. رەكتور ۋنيۆەرسيتەتتىڭ يننوۆاسيالىق ءبىلىم بەرۋ باعدارلامالارىن قۇرۋ باعىتىنداعى كوزقاراسىن، پروفەسسور-وقىتۋشىلار قۇرامىنىڭ، ءبىلىم بەرۋ مەكەمەلەرى مۇعالىمدەرىنىڭ بىلىكتىلىگىن ارتتىرۋ مۇمكىندىكتەرى جانە ق ر جوعارى ءبىلىم بەرۋ سالاسىن دامىتۋ باعدارلاماسىن ىسكە اسىرۋ تۋرالى ايتىپ بەردى.
ءبىزدىڭ جوعارى وقۋ ورنىندا شىنىمەن دە عىلىمي مەكتەپ پەن مىقتى كادرلار بار. مەكتەپ ديرەكتورلارىن دايارلاۋ - بولاشاعى زور باعىت. اباي ۋنيۆەرسيتەتى ءۇشىن ەلىمىزدىڭ ءبىرىنشى جوعارى وقۋ ورنى جانە پەداگوگيكالىق سالانىڭ درايۆەرى رەتىندە وتاندىق ءبىلىم بەرۋدى دامىتۋدىڭ اۋقىمدى جوسپارلارىن ىسكە اسىرۋعا ءوز ۇلەسىن قوسۋ تەك قۇرمەتتى عانا ەمەس، سونىمەن قاتار جاۋاپتى مىندەت.
جوعارى ءبىلىم بەرۋ سالاسىنداعى كوشباسشىلىقتىڭ حالىقارالىق پراكتيكاسى قاراپايىم مۇعالىمدەردىڭ جۇمىسى، بالالاردى وقىتۋ مەن تاربيەلەۋ، سونداي-اق مەكەمەنىڭ بارلىق ينفراقۇرىلىمى بايلانىستى مەكتەپ باسشىلارىن دايىنداۋعا باعىتتالعان. جاسىراتىنى جوق، ءمۇعالىم كوشباسشىلىق پوزيسياعا اۋىسقان كەزدە، ول كوبىنەسە ءبىلىم بەرۋ سالاسىنداعى مەنەدجمەنت ماسەلەلەرىندە دايىندىقتىڭ جەتىسپەۋشىلىگىمەن بايلانىستى قيىندىقتارعا تاپ بولادى.
جۇلدىز سۇلەيمەنوۆا بۇگىنگى كۇننىڭ باستى مىندەتى - ەل مەكتەپتەرى ءۇشىن ساپالى مۇعالىمدەردى دايىنداۋ ەكەنىن اتاپ ءوتتى.
جاڭا مەكتەپ ديرەكتورلارىن ۋنيۆەرسيتەتتەردە ساپالى ءبىلىم العان بىلىكتى مامانداردان ىرىكتەۋ كەرەك. ەلىمىزدىڭ پەداگوگيكالىق جوعارى وقۋ ورىندارىنىڭ كوشباسشىسى اباي اتىنداعى قازۇپۋ وسىنداي كادرلاردى قايتا دايارلاۋ مەن بىلىكتىلىگىن ارتتىرۋدى ۇيىمداستىرۋعا بەلسەندى قاتىسادى دەپ سەنەمىز، -دەدى ق ر پارلامەنتى ءماجىلىسىنىڭ دەپۋتاتى.
اباي اتىنداعى قازۇپۋ-دىڭ ستراتەگيا، سيفرلاندىرۋ جانە ينتەرناسيونالداندىرۋ جونىندەگى پرورەكتورى اقتولقىن قۇلسارييەۆا پەداگوگيكالىق كادرلاردى دايارلاۋ ماسەلەلەرى ۋنيۆەرسيتەتتىڭ دامۋ ستراتەگياسىنا ەنگىزىلگەنىن، جاڭا فورماسياداعى مۇعالىمدەردى دايارلاۋ بويىنشا ءبىرقاتار ىسكە اسىرىلىپ جاتقان جوبالاردى اتاپ ءوتتى.
كەزدەسۋ قورىتىندىسى بويىنشا پارتيا وكىلدەرى مەن شارانىڭ باسقا قاتىسۋشىلارى اباي اتىنداعى قازۇپۋ-دى ودان ءارى دامىتۋ ماقساتىندا بىرلەسكەن ءىس-شارالارعا دايىن ەكەندىكتەرىن ءبىلدىردى.