قايرات تاربايەۆ، «الماتى قالاسى مۋزەيلەر بىرلەستىگى» ديرەكتورىنىڭ دامۋ جونىندەگى ورىنباسارى:
– ۆاكسينا جايلى كوپ ويلاندىم. سەبەبى الەۋمەتتىك جەلىلەردە ەكپە تۋرالى جالعان اقپاراتتاردىڭ تارالۋىنا بايلانىستى ىشىمىزدەن قورقىنىش سەزىمى بولعانى جاسىرىن ەمەس. سوندىقتان رەسمي اقپارات كوزدەرىندەگى عىلىمي تۇرعىدا راستالعان اقپاراتتارعا قانىقتىق.
قازىرگى ۋاقىتتا ءبىز ءۇشىن قالىپتى ومىرگە ورالۋدىڭ جالعىز جولى – ۆاكسينا الۋ. مەن «سپۋتنيك V» ۆاكسيناسىنىڭ ءبىرىنشى كومپونەنتىن 27 مامىردا الدىم. ەمحاناعا بارعان ساتىمدە ەڭ ءبىرىنشى دارىگەرلەر مەنىڭ دەنساۋلىعىمدى تەكسەرىپ، ءتۇسىندىرۋ جۇمىستارىن جۇرگىزدى. سوندىقتان دا ەكپەگە دەگەن سەنىمىم ارتتى.
مەن ەكپەگە، عىلىمعا سەنەمىن.