ق ر پرەمەر-مينيسترى اسقار ءماميننىڭ توراعالىعىمەن وتكەن ينۆەستيسيالىق شتاب وتىرىسىندا 2021 جىلعى قاڭتار-مامىرداعى ينۆەستيسيالاردى تارتۋ بويىنشا اتقارىلعان جۇمىستىڭ قورىتىندى كورسەتكىشتەرى قارالدى، دەپ حابارلادى Almaty-akshamy.kz ق ر پرەمەر-مينيستردىڭ سايتىنداعى حابارعا سىلتەمە جاساپ.
ۇلتتىق ەكونوميكا ءمينيسترى اسەت ەرعالييەۆ وسى جىلدىڭ 5 ايىندا تاۋ-كەن ءوندىرىسى ونەركاسىبىن قوسپاعاندا، نەگىزگى كاپيتالعا سالىنعان ينۆەستيسيالار كولەمى 25،5% دەڭگەيىندە وسكەنىن ايتتى. مينيستر بيىلعى 5 ايدىڭ ناتيجەلەرى بويىنشا، ق ر ەكونوميكاسىنىڭ قالپىنا كەلۋ تراەكتورياسىنا شىعۋى اياسىندا نەگىزگى كاپيتالعا سالىنعان ينۆەستيسيالار اعىنىنىڭ جوعارى قارقىنى قۇرىلىس (+132%)، وڭدەۋ ونەركاسىبى (+82%)، اقپارات جانە بايلانىس (+55%)، اۋىل شارۋاشىلىعى (+47%)، ساۋدا (+49%)، جىلجىمايتىن مۇلىك وپەراسيالارى (+30%)، كولىك جانە قويمالاۋ (+20%) سەكىلدى سالالاردا بايقالعانىن اتاپ ءوتتى. وڭدەۋ سەكتورىنىڭ قۇرىلىمىندا حيميا ونەركاسىبىنە ينۆەستيسيالاردىڭ ءوسۋى 130 ملرد تەڭگەنى (+427%)، مەتاللۋرگياعا 50 ملرد تەڭگەنى (+41%) جانە ت. ب. قۇرادى. نەگىزگى كاپيتالعا سالىنعان ينۆەستيسيالار بويىنشا وڭ ءوسىم قارقىنىنا 15 وڭىردە جانە رەسپۋبليكالىق ماڭىزى بار قالالاردا قول جەتكىزىلدى. كوش باستاپ تۇرعان وڭىرلەر تۇركىستان (+39،1%) جانە پاۆلودار (+38،5%) وبلىستارى، الماتى (+36،1%)، نۇر-سۇلتان (+34،8%) جانە شىمكەنت (+25،6%) قالالارى، سولتۇستىك قازاقستان (+24،6%)، جامبىل (+24،3%) جانە قاراعاندى (+21،6%) وبلىستارى بولدى. ارتتا قالۋشىلىق باتىس قازاقستان (-36،4%) جانە اتىراۋ (-35%) وبلىستارىندا بايقالادى. «Kazakh Invest» ۇك» اق باسقارما ءتوراعاسى مەيىرجان يۋسۋپوۆ قازىرگى تاڭدا «Task Force» $9 ملرد استام سوماعا 36 جوبانى پىسىقتاپ جاتقانىن ايتتى. قوسىمشا 15 جوبا قاراستىرىلىپ جاتىر.
اتىراۋ وبلىسىنىڭ اكىمى ماحامبەت دوسمۇحامبەتوۆ 2021-2025 جىلدارعا اكىمدىك اوك، جاڭارتىلاتىن ەنەرگەتيكا، فارماسيەۆتيكا، مۇناي-گاز حيمياسى ونەركاسىبى، تۋريزم، ءبىلىم بەرۋ جانە ت. ب. سالالاردا 12 مىڭنان استام جۇمىس ورنىن قۇرا وتىرىپ، جالپى سوماسى 10،1 ترلن تەڭگە بولاتىن 110 ينۆەستيسيالىق جوبادان تۇراتىن پۋل قالىپتاستىرعانىن باياندادى. بيىل وڭىردە ينۆەستيسيالىق جوبالاردى ىسكە اسىرۋعا 3،8 ترلن تەڭگە ينۆەستيسيا تارتۋ جوسپارلانعان. وسى جىلدىڭ 5 ايىندا نەگىزگى كاپيتالعا سالىنعان ينۆەستيسيالار كولەمى 1 ترلن تەڭگەنى قۇرادى. قىزىلوردا وبلىسىنىڭ اكىمى گۇلشارا ءابدىقالىقوۆا الداعى 5 جىلعا اكىمدىك اوك، كولىك، جاڭارتىلاتىن ەنەرگەتيكا، جەڭىل ونەركاسىپ، سيفرلاندىرۋ، دەنساۋلىق ساقتاۋ، تمك جانە ت. ب. سالالاردا 889 ملرد تەڭگە سوماسىنا 177 جوبادان تۇراتىن پۋل قالىپتاستىرعانىن اتاپ ءوتتى. قازىرگى ۋاقىتتا جالپى قۇنى 476 ملرد تەڭگە بولاتىن 132 جوبا ىسكە اسىرىلۋدا. وسى جىلدىڭ سوڭىنا دەيىن جالپى قۇنى 56 ملرد تەڭگە بولاتىن، ءوڭىردىڭ 10 نەگىزگى ينۆەستيسيالىق جوباسىنىڭ 6-ىن پايدالانۋعا بەرۋ جوسپارلانعان، اتاپ ايتساق – شىنى زاۋىتى، اس تۇزىن ءوندىرۋ، قۇس فابريكاسى، جوڭىشقا ءوسىرۋ، تۇيە سۇتىنەن قۇرعاق ۇنتاق ءوندىرۋ، كۇن ەلەكتر ستانسياسى (وسى جىلعى ناۋرىز ايىندا پايدالانۋعا بەرىلدى). ۇكىمەت باسشىسى بارلىق مەملەكەتتىك ورگانعا، وڭىرلەردىڭ اكىمدىكتەرىنە جانە كۆازيمەملەكەتتىك سەكتور سۋبەكتىلەرىنە ىشكى جانە سىرتقى ينۆەستيسيالاردى تارتۋ جۇمىسىن جۇيەلى نەگىزدە جالعاستىرۋدى تاپسىردى.