"قايرات" فۋتبول كلۋبى چەمپيوندار ليگاسىنا ارنالعان بيلەتتەر تۋرالى رەسمي اقپاراتتى جاريالادى، دەپ حابارلايدى اqshamnews.kz ءتىلشىسى.
بيلەتتەر ساتىلىمى قاشان اشىلادى؟
"قايرات" فۋتبول كلۋبى ۋەفا چەمپيوندار ليگاسىنىڭ جالپى كەزەڭىندەگى ءوز الاڭىنداعى ويىندارعا بيلەتتەر ساتۋ ءتارتىبى مەن مەرزىمىن جاريالادى. مادريدتىك "رەالعا" قارسى ماچقا بيلەتتەر 23 قىركۇيەكتە ساعات 17:00-دە ساتىلىمعا شىعارىلادى.
سونداي-اق، "قايرات" فك جاريالاعان جازبادا جانكۇيەرلەر ءبىر ادامعا تەك 2 بيلەتتەن عانا ساتىپ الا الاتىنى، ول ءۇشىن جسن نەمەسە ءتولقۇجات دەرەكتەرىن كورسەتۋ قاجەت بولاتىنى اتاپ وتىلگەن. ستاديونعا كىرەبەرىستە قۇجاتتار مەن بيلەتتەر مۇقيات جانە قاتاڭ تەكسەرىلەتىن بولادى.
بيلەت باعاسى قانشادان؟
بيلەتتەردىڭ باعاسى 30 مىڭنان 250 مىڭ تەڭگەگە دەيىن بەلگىلەنگەن. كلۋبتىڭ اتاپ وتۋىنشە، بۇل تاريفتەر ۋەفا-مەن كەلىسىلگەن جانە چەمپيوندار ليگاسىنداعى ءوز الاڭىنداعى باسقا ماچتار ءۇشىن دە ءدال وسىنداي باعادا ساقتالادى.
ال ابونەمەنت يەگەرلەرى الدىن الا ساتىلىمدا قولايلى باعادا ساتىپ الا الادى. سونداي-اق، بيلەتتەردىڭ ءبىر بولىگى "قايرات" فك باپكەرلەرى مەن تاربيلەەنۋشىلەرىنە جانە ويىنشىلارىنا، پاراسپورتشىلارعا بەرىلەتىنى اتاپ ءوتىلدى.