الماتى وبلىسىندا پوليسيا قىزمەتكەرلەرى 13 كەلىدەن استام ماريحۋانا تاركىلەدى، دەپ حابارلايدى Aqshamnews.kz ءتىلشىسى Polisia.kz-كە سىلتەم جاساپ.
"قاراسورا-2025" رەسپۋبليكالىق جەدەل-پروفيلاكتيكالىق ءىس-شاراسى اياسىندا وبلىستىق پد ەسىرتكى قىلمىسىنا قارسى ءىس-قيمىل باسقارماسى زاڭسىز ەسىرتكى ساقتاۋعا قاتىستى قىلمىستىق ءىس قوزعادى.
ۆەدومستۆونىڭ مالىمەتىنشە، ەققىقب مەن جامبىل اۋداندىق كريمينالدىق پوليسيا قىزمەتكەرلەرى كىزىلاسكەر اۋىلىندا 47 جاستاعى جەرگىلىكتى تۇرعىندى ۇستاعان. سانكسيالانعان ءتىنتۋ كەزىندە قىزمەتتىك يتتەردىڭ كومەگىمەن ونىڭ اۋلاسىنداعى قورشاۋ بويىنان ەرەكشە ءيىسى بار 31 ءتۇپ كەپتىرىلگەن وسىمدىك تابىلدى. ساراپتاما بۇل زاتتاردىڭ جالپى سالماعى 10 كەلى 680 گرامم بولاتىن ماريحۋانا ەكەنىن انىقتادى.
سونىمەن قاتار، ءۇي ىشىنەن پوليەتيلەن پاكەت سالىنعان پوليمەر قاپ تابىلىپ، ونىڭ ىشىندەگى جاسىل ءتۇستى وسىمدىك تە ماريحۋانا ەكەنى بەلگىلى بولدى. ونىڭ سالماعى - 2 كەلى 306 گرامم. وسىلايشا، تاركىلەنگەن ەسىرتكىنىڭ جالپى سالماعى 13 كەلىدەن استى.
ءقازىر بۇل دەرەك بويىنشا قىلمىستىق ءىس قوزعالىپ، كۇدىكتى قاماۋعا الىندى. ول ءوز كىناسىن مويىنداعان.