الماتى قالاسىندا «رەال مادريد» جانە «قايرات» كوماندالارىنىڭ قاتىسۋىمەن وتەتىن حالىقارالىق سپورتتىق ءىس-شاراعا بايلانىستى قاۋىپسىزدىكتى قامتاماسىز ەتۋ ماقساتىندا توتەنشە جاعدايلار دەپارتامەنتىنىڭ بولىمشەلەرى تاراپىنان كۇشەيتىلگەن كەزەكشىلىك ۇيىمداستىرىلۋدا، - دەپ حابارلايدى Aqshamnews.kz.
ماچ وتەتىن ورىندا مەگاپوليستىڭ ءتورت ءورت ءسوندىرۋ بولىمشەسىنىڭ كۇشتەرى مەن قۇرالدارى، سونداي-اق ينجەنەرلىك-ينسپەكتورلىق قۇرام وكىلدەرىن قوسا العاندا، شامامەن 60 تجد قىزمەتكەرى كەزەكشىلىك اتقاراتىن بولادى.
قىزمەتكەرلەر «Vario» ءورت ءسوندىرۋ قۇرىلعىلارىمەن جابدىقتالعان. بۇل — ءورتتى ءورت سوندىرگىش زاتتىڭ قۋاتتى باعىتتالعان يمپۋلستىك اعىنىمەن سوندىرۋگە ارنالعان زاماناۋي جۇيە.
جالپى، قالامىزدا تاۋلىك بويى جوعارى دايىندىق رەجيمىندە ارەكەت ەتۋگە دايىن:
- 300-دەن استام قۇتقارۋشى جانە ءورت ءسوندىرۋ بولىمشەلەرىنىڭ قىزمەتكەرلەرى؛
- 80-گە جۋىق نەگىزگى جانە ارنايى تەحنيكا بىرلىگى.
ءبىز ءورت جانە تەحنوگەندىك سيپاتتاعى قاۋىپسىزدىكتى قامتاماسىز ەتۋ ءۇشىن بارلىق قاجەتتى شارالاردى قابىلداۋدامىز. بولىمشەلەر ءوزارا ءىس-قيمىلدا باسقا جەدەل قىزمەتتەرمەن جانە قۇقىق قورعاۋ ورگاندارىمەن بىرلەسىپ جۇمىس جۇرگىزۋدە.
ءىس-شاراعا قاتىسۋشىلار مەن قوناقتاردىڭ قاۋىپسىزدىگى — باستى نازاردا.