الماتىلىق «قايرات» كلۋبىنىڭ باس باپكەرى رافاەل ۋرازباحتين ويىنشىلارعا سىيلىق بەرۋگە قارسى ەكەنىن ايتتى، دەپ حابارلايدى Aqshamnews.kz.
«ارينە، كاسىپكەرلەرگە سىيلىق بەرۋگە تىيىم سالا المايمىز. ءبىراق ءبىر ويىنشىنى ءبولىپ-جارۋ دا دۇرىس ەمەس. ويتكەنى بۇل – كوماندالىق سپورت.
مەنىڭ ويىمشا، كومەكتەسكىلەرى كەلسە، مىسالى، كلۋبقا كومەكتەسسىن. سىيلىق بەرگىلەرى كەلسە، بارىنە بىردەي بەرسىن. ول كىسىلەرگە اقىل ايتا المايمىن، الايدا ولاي ىستەمەگەن ابزال بولار ەدى»، – دەدى «قايرات» باس باپكەرى.
وسىعان دەيىن قازاقستاندىق كاسىپكەرلەر باپكەردىڭ وزىنە جانە قاقپاشىلار شەرحان قالمىرزا مەن تەمىرلان اناربەكوۆكە كولىك تارتۋ ەتكەن ەدى.