الماتى وبلىسى اكىمىنىڭ وكىمىمەن عاني مايلىبايەۆ 2025 جىلعى 3 قازاننان باستاپ الماتى وبلىسى اكىمىنىڭ ورىنباسارى لاۋازىمىن اتقارادى، - دەپ حابارلايدى Aqshamnews.kz.
بۇل تۋرالى وبلىس اكىمدىگىنىڭ باسپا ءسوز قىزمەتى حابارلادى.
عاني ايدار ۇلى مايلىبايەۆ 1987 جىلى تۋعان. ءبىلىمى — جوعارى. 2008 جىلى اباي اتىنداعى قازاق ۇلتتىق پەداگوگيكا ۋنيۆەرسيتەتىن «قارجى» ماماندىعى، 2018 جىلى رەسەي فەدەراسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن «ايماقتىق جانە مۋنيسيپالدى باسقارۋ» ماماندىعى بويىنشا بىتىرگەن، 2010 جىلى اباي اتىنداعى قازاق ۇلتتىق پەداگوگيكا ۋنيۆەرسيتەتىندە «قۇقىق جانە ەكونوميكا نەگىزدەرى» ماماندىعى بويىنشا ماگيستر دارەجەسىن العان.
ەڭبەك جولىن 2008 الماتى قالاسى «نۇر وتان» پارتياسى بوستاندىق اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى بولىپ باستاعان.
ءار جىلدارى الماتى قالاسى «نۇر وتان» پارتياسى الاتاۋ اۋداندىق فيليالىنىڭ زاڭگەر-كونسۋلتانتى، مەدەۋ اۋداندىق فيليالى ءتوراعاسىنىڭ ءبىرىنشى ورىنباسارى، الماتى قالاسى مەدەۋ، ناۋرىزباي اۋداندارى اكىمىنىڭ ورىنباسارى، جامبىل وبلىسى تۋريزم باسقارماسىنىڭ باسشىسى لاۋازىمدارىن اتقارعان.
2020 جىلدىڭ جەلتوقسان ايىنان باستاپ الماتى قالاسى مادەنيەت باسقارماسىنىڭ باسشىسى لاۋازىمىندا قىزمەت ەتتى.