كۇزەتپەن ۇستاۋ مەرزىمى تاعى ءبىر ايعا ۇزارتىلدى.
سوت شەشىمىمەن قايرات بورانبايەۆتى كۇزەتپەن ۇستاۋ مەرزىمى تاعى سوزىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2022 جىلعى 8 شىلدەدە نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قايرات بورانبايەۆقا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن 1 ايعا ۇزارتتى»، - دەلىنگەن نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى تاراتقان اقپاراتتا.
قارجىلىق مونيتورينگ اگەنتتىگى قايرات بورانبايەۆقا كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى ءىس قوزعاپ، ۋاقىتشا ۇستاۋ يزولياتورىنا قاماعان بولاتىن.
Forbes.kz جازۋىنشا، قايرات بورانبايەۆ قازاقستانداعى ەڭ ىقپالدى 50 كاسىپكەردىڭ قاتارىنا كىرەدى.
2021 جىلدىڭ قاراشاسىنداعى رەيتينگ بويىنشا ول بۇل تىزىمدە 14-ورىندا تۇر.
بيزنەس باسىلىمى قايرات بورانبايەۆتى ديەۆەلوپەر، قۇرىلىس سالاسىنىڭ كاسىپكەرى، اكتيۆتەردى باسقارۋ كومپانياسىنا يەلىك ەتۋشى دەپ سيپاتتايدى.