بۇگىن قازاقستان رەسپۋبليكاسى پرەمەر-مينيسترىنىڭ ورىنباسارى ەرالى توعجانوۆ جۇمىس ساپارىمەن الماتى قالاسىنا كەلدى.
شاھار باسشىلىعىمەن بىرلەسىپ، بەينەكونفەرەنسبايلانىس رەجيمىندە قالانىڭ اۋرۋحانالارى مەن ەمحانالارىنىڭ 70-تەن استام باس دارىگەرلەرىنىڭ قاتىسۋىمەن كەڭەس وتكىزىلدى، دەپ حابارلايدى Almaty-akshamy.kz
قازىرگى ەپيدەميولوگيالىق جاعدايدىڭ وزەكتى ماسەلەلەرى جانە مەگاپوليستە COVID-19 تارالۋىنا جول بەرمەۋ بويىنشا قابىلدانىپ جاتقان شارالار بارىسى قارالدى.
كوروناۆيرۋس ينفەكسياسىنىڭ تارالۋ قارقىنى بويىنشا الماتى «سارى» ايماقتا. كوكتەمنىڭ باسى مەن ورتا شەگىندە اۋرۋ كورسەتكىشتەرىنىڭ تومەندەۋىنەن كەيىن قايتا جوعارىلاۋ تەندەنسياسى بايقالۋدى. وسىلايشا، اۋرۋعا شالدىعۋ دەرەكتەرىنىڭ ءوسۋى 0،2% - كە دەيىن ءوستى، تارالۋ كوەففيسيەنتى 1-دەن جوعارى. جۇقتىرۋ وشاقتارىنىڭ ەڭ كوپ سانى بوستاندىق، المالى، الاتاۋ، بوستاندىق جانە مەدەۋ اۋداندارىنىڭ اۋماعىندا ورنالاسقان.
ينفەكسيانىڭ ءوسۋ سەبەپتەرى مەن كوزدەرى-قوعامدىق ورىندارعا بارۋ، ءۇي وشاقتارىنداعى، قالالىق كولىكتەگى، جۇمىس ورنىنداعى بايلانىستار، سونداي-اق ۆاكسيناسيا مەن ريەۆاكسيناسيا قارقىنىنىڭ تومەندەۋى.
تۇرعىندار اراسىندا ىندەتكە شالدىعۋ دەرەكتەرىن ازايتۋ ماقساتىندا قالا اكىمشىلىگىمەن ۆاكسيناسيا مەن ريەۆاكسيناسيا، ناۋقاستاردى وقشاۋلاۋ بارىسىن باقىلاۋ، نەگىزگى الدىن الۋ ەرەجەلەرىن ساقتاۋ قاجەتتىلىگى تۋرالى حالىقپەن ءتۇسىندىرۋ جۇمىستارىن كۇشەيتۋ بويىنشا ءبىرقاتار شارالار قابىلداندى.
سونىمەن قاتار پاندەميانىڭ جاڭا تولقىنىنا الماتىدا قۋاتتىلىعى 7000 توسەك-ورىندىق قۋاتى بار، ونىڭ ىشىندە 250 رەانيماسيالىق ورىندىق 23 كوۆيدتىك كلينيكا دايىندالدى.
مەديسينالىق قوعامداستىق وكىلدەرىمەن كەڭەس بارىسىندا كۆي الدىن الۋ ماسەلەلەرى قارالدى.
ق ر پرەمەر-مينيسترىنىڭ ورىنباسارى ەرالى توعجانوۆ قالادا سىرقاتتانۋشىلىقتىڭ ءوسۋ جاعدايلارىنا، سونداي-اق مساك جۇمىسىن ۇيلەستىرۋدىڭ، ۆاكسيناسيا مەن ريەۆاكسيناسيانى ۇيىمداستىرۋ ماڭىزدىلىعىنا، الماتى قالاسىنىڭ دەنساۋلىق ساقتاۋ جۇيەسىنىڭ كوروناۆيرۋس ينفەكسياسى اۋرۋشاڭدىعىنىڭ كەزەكتى ىقتيمال ورشۋىنە دايىندىق دەڭگەيىنە نازار اۋداردى.
«بۇگىن قويىلعان مىندەتتەردى قالانىڭ باس مەملەكەتتىك سانيتاريالىق دارىگەرىمەن بىرلەسىپ تالداپ، كوروناۆيرۋس ينفەكسياسىنىڭ الدىن الۋ جانە تارالۋىنا جول بەرمەۋ بويىنشا قاجەتتى شارالار قابىلداۋدى سۇرايمىن»، — دەپ اتاپ ءوتتى ە. توعجانوۆ.
كەڭەس سوڭىندا ۆيسە-پرەمەر قالا باسشىلىعىنا COVID-19-عا قارسى يممۋنداۋ ناۋقانىن كۇشەيتۋدى تاپسىردى. سونداي-اق، حالىق اراسىندا ساپالى ءتۇسىندىرۋ جۇمىستارىن جۇرگىزۋدى كۇشەيتۋ قاجەتتىلىگىن اتاپ ءوتتى.