قايرات بورانبايەۆتى كۇزەتپەن بۇلپارتپاي ۇستاۋ شاراسى تاعى ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2022 جىلعى 12 قازاندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قايرات بورانبايەۆقا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن 2 ايعا ۇزارتتى»، - دەپ اتاپ ءوتتى استانا قالالىق سوتىنىڭ باسپا ءسوز قىزمەتىنەن.
ەستەرىڭىزگە سالا كەتەيىك، قارجىلىق مونيتورينگ اگەنتتىگى قايرات بورانبايەۆتىڭ ۇستىنەن كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسىمەن ءىس قوزعاپ، يزولياتورعا قاماعان بولاتىن.
قازىرگى ۋاقىتتا ءىرى مولشەردە، ونىڭ ىشىندە شەتەلدە قىلمىستىق كىرىستى زاڭداستىرۋ بەلگىلەرى بار نەعۇرلىم رەزونانستىق ىستەردى تەرگەپ-تەكسەرۋ ەرەكشە باقىلاۋدا.
بۇل - قايرات ساتىبالدىۇلىنا، گۇلميرا ساتىبالدىعا، قايرات بورانبايەۆقا، «وكم» ج ش س وپەراتورىنىڭ باسشىلارىنا قاتىستى جانە باسقا ىستەر.
قازىرگى ۋاقىتتا تەرگەۋ ورگاندارى قابىلداعان شارالاردىڭ ارقاسىندا شامامەن 230 ملرد تەڭگە، ونىڭ ىشىندە ولاردى شەتەلدىك يۋريسديكسيالاردان قايتارۋ جولىمەن وتەلدى.
سونداي-اق، سىبايلاس جەمقورلىققا قارسى قىزمەت تەرگەپ-تەكسەرىپ جاتقان ءىس بويىنشا ايىپتالۋشىلار ليحتەنشتەيننەن 170 ملن اقش دوللارىن ءوز ەركىمەن قايتاردى.