ايەل تالدىقورعان تەرگەۋ يزولياتورىندا قاماۋدا
بۇرىن سوتتى بولعان ايەل تالدىقورعاندىقتاردى 35 ملن تەڭگەگە الداعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
2021-2022 جىلدارى تالدىقورعاندا تىركەلگەن ءىرى الاياقتىق فاكتىلەرى بويىنشا تەرگەۋ جۇمىستارى اياقتالۋدا. قىلمىستىق ءىس ماتەريالدارىمەن كۇدىكتىنىڭ بۇدان بۇرىن الاياقتىق جاساعانى ءۇشىن بىرنەشە رەت جاۋاپقا تارتىلعانى جانە 28 جاستاعى جەرگىلىكتى تۇرعىن ەكەنى انىقتالدى.
بەلگىلى بولعانداي، كاسىپكەر ايەل تالدىقورعاندىقتارعا مەملەكەتتىك باعدارلاما بويىنشا پاتەر ساتىپ الۋعا كومەكتەسۋدى ۇسىنعان. ول قاراپايىم سەنگىش ازاماتتارعا قالا اكىمدىگىندە بايلانىستارى بار ەكەنىندىگىن ايتقان. تەرگەۋ بارىسىندا كۇدىكتىنىڭ قانداي دا ءبىر تۇرعىن ءۇي كوميسسيالارىنىڭ قۇرامىنا كىرمەيتىنى جانە قانداي دا ءبىر مەملەكەتتىك ورگاننىڭ قىزمەتكەرى ەمەس ەكەنى بەلگىلى بولدى.
«اتالعان كۇدىكتى الاياقتىق قىلمىستىڭ 14 ەپيزودىندا بايقالادى. جابىرلەنۋشىلەردىڭ جالپى ماتەريالدىق شىعىنى 35 580 000 تەڭگەنى قۇرايدى. ايەل تالدىقورعان تەرگەۋ يزولياتورىندا قاماۋدا»، – دەدى تالدىقورعان قالاسىنىڭ پب تەرگەۋشىسى ءىلياس الدابەرگەنوۆ.