قازاقستان رەسپۋبليكاسى پرەزيدەنتىنىڭ «ورتالىق اتقارۋشى ورگاندار باسشىلارىنىڭ حالىقپەن كەزدەسۋلەرىن وتكىزۋ تۋرالى» جارلىعىنا سايكەس ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين 24 قاراشادا ساعات 10.00-دا الماتى قالاسىنىڭ تۇرعىندارىمەن كەزدەسەدى، دەپ حابارلايدى Almaty-akshamy.kz.
كەزدەسۋ الماتى قالاسى، اباي 90 داڭىعىلى Q-Lab كەڭىستىگى، «انگار» كونفەرەنس-زالىندا وتەدى. وبلىس تۇرعىندارى ءار اۋداندا ورناتىلعان بەينەكونفەرەنس بايلانىس ارقىلى كەزدەسۋگە قاتىسا الادى.
تۇرعىندارمەن كەزدەسۋدىڭ ونلاين-كورسەتىلىمى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ «Youtube» الەۋمەتتىك جەلىلەرىندەگى رەسمي پاراقشاسىندا تىكەلەي ەفيردە كورسەتىلەتىن بولادى.
ازاماتتاردى كەزدەسۋگە بەلسەندى قاتىسۋعا جانە ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترىنە ساۋال جولداۋعا شاقىرامىز.
مينيسترلىكتىڭ قىزمەت باعىتتارى: تەلەكوممۋنيكاسيا جانە بايلانىس، ەلەكتروندىق ۇكىمەت جانە مەملەكەتتىك كورسەتىلەتىن قىزمەتتەر، اەروعارىش ونەركاسىبى، گەودەزيا ي كارتوگرافيا، ەلەكتروندىق ونەركاسىپ، سيفرلىق اكتيۆتەر يندۋسترياسى، اقپاراتتىق قاۋىپسىزدىك، يننوۆاسيالار.