باعانىڭ ءوسۋىن الماتى تۇرعىندارى قاتتى سەزىندى.
2023 جىلى قازاقستاندا تاكسي قىزمەتىن كورسەتەتىن كومپانيالاردىڭ تابىسى 17%-عا، ياعني 5،9 ملرد تەڭگەگە دەيىن ءوستى، دەپ حابارلايدى Almaty-akshamy.kz
وسى كەزەڭدە تاكسي قىزمەتتەرىن 47،4 ملن ادام قولداندى، بۇل بىلتىرمەن سالىستىرعاندا 2%-عا از. جولاۋشىلار اينالىمى ءبىر جىلدا 44%-عا، 1،4 ملرد جولاۋشى-كيلومەترگە دەيىن قىسقاردى.
2023 جىلعى قاڭتار–قاراشادا تاكسي قىزمەتى سالاسىنداعى نەگىزگى كاپيتالعا سالىنعان ينۆەستيسيالار ءبىر جىل بۇرىنعى 495،1 ملن تەڭگەدەن ءبىرشاما ءوسىپ، 751،9 ملن تەڭگەگە جەتتى.
ينۆەستيسيالاردىڭ جىلدىق ءوسىمى قۇندىق ماندە 51،8%.
سالىمداردىڭ ەڭ كوپ سوماسى الماتىدا بولدى: 360،6 ملن تەڭگە، بىلتىرمەن سالىستىرعاندا 6،9 ەسە كوپ. ءوڭىردىڭ ۇلەسى قر-دان 48%.
جاڭا تالاپقا سايكەس، تاكسي جۇرگىزۋشىلەرى سالىق ورگاندارىنا تىركەلۋى كەرەك نەمەسە ءموبيلدى قوسىمشا ارقىلى ونلاين (جك رەتىندە) تىركەلە الادى. ول ءۇشىن قاجەتتى جاعدايلار جاسالعان.
سونىمەن قاتار جۇرگىزۋشىلەردى سالىق تولەۋدەن بوساتۋ جانە وسى مىندەتتى وپەراتورلارعا جۇكتەۋ مۇمكىندىگى قاراستىرىلىپ وتىر.
2023 جىلدىڭ جەلتوقسانىندا تاكسيمەن ءجۇرۋ وتكەن جىلدىڭ جەلتوقسانىمەن سالىستىرعاندا 9،1%-عا قىمباتتادى.
وڭىرلىك بولىنىستە باعانىڭ ءوسۋىن الماتى تۇرعىندارى قاتتى سەزىندى، ءبىر جىلدا 30،3%-عا ءوستى. ەڭ ارزان تاكسي اقتوبە جانە اباي وبلىستارىندا: تيىسىنشە 22،1% جانە 17%.
ماڭعىستاۋ وبلىسىندا تاكسي قىزمەتتەرىنىڭ جىلدىق ەڭ از قىمباتتاۋى تىركەلدى - 1،2%. تاعى ءۇش وبلىستا — الماتى، شىعىس قازاقستان جانە باتىس قازاقستان وبلىستارىندا باعالار ءبىر جىل بۇرىنعىداي دەڭگەيدە قالدى.
2024 جىلدىڭ 15 قاڭتارىندا جاريالانعان Numbeo مالىمەتتەرى بويىنشا، ستاندارتتى تاريف بويىنشا 1 كم-گە ەسەپتەلگەن تاكسي قىزمەتتەرىنىڭ ەڭ جوعارى باعاسى شۆەيساريادا (4،63 دوللار)، ليۋكسەمبۋرگتە (3،29 دوللار) جانە كۋۆەيتتە (3،25 دوللار) تىركەلدى.
قازاقستاندا تاكسي قىزمەتتەرىنىڭ قۇنى 0،61 دوللار، بۇل - تمد ەلدەرى اراسىنداعى ەڭ جوعارى كورسەتكىش. ءازىربايجاندا ستاندارتتى تاريف بويىنشا 1 كم-گە تاكسيمەن ءجۇرۋ قۇنى 0،59 دوللار، رەسەيدە — 0،34 دوللار، ۋكراينادا — 0،32 دوللار، بەلارۋسسيادا — 0،31 دوللار، ارمەنيا مەن وزبەكستاندا - 0،3 دوللار بولدى.