بۇل ساۋال ەلەكتروندى ۇكىمەت سايتىندا كوتەرىلدى.
ق ر اقپارات جانە قوعامدىق دامۋ مينيسترلىگى مەملەكەتتىك جاستار ساياساتى سالاسىنداعى زاڭناماعا سىلتەمە جاساي وتىرىپ، 35 جاسقا تولعان قازاقستاندىقتار جاستار قاتارىنا جاتپايتىنىن ناقتىلادى، دەپ حابارلايدى Almaty-akshamy.kz
قازاقستانداعى جاستار 14 جاستان 35 جاسقا دەيىنگى قازاقستان رەسپۋبليكاسىنىڭ ازاماتى بولىپ سانالادى، ال 35-تەن 36-عا قاراعان ادام جاس دەپ ەسەپتەلمەي مە؟
«مەملەكەتتىك جاستار ساياساتى تۋرالى» زاڭنىڭ 1-بابىنىڭ نورماسىنا سايكەس، ون ءتورت جاستان وتىز بەس جاسقا دەيىنگى قازاقستان رەسپۋبليكاسىنىڭ ازاماتتارى جاستار دەپ تانىلادى. ال قازاقستان رەسپۋبليكاسىنىڭ وتىز بەس جاسقا تولعان ازاماتتارى جاستار ساناتىنا جاتپايدى دەگەن ءسوز»، – دەلىنگەن مينيسترلىك ۇسىنعان جاۋاپتا.
مەملەكەت باسشىسى 2022 جىلعى 26 جەلتوقساندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى، ول جاستاردىڭ جاسىن 29 جاستان 35 جاسقا دەيىن ۇلعايتۋدى كوزدەيدى.