ازاماتتىعىن اۋىستىرعان بالا ۇلتتىق قورداعى ۇلەسىنەن قاعىلادى

بالانىڭ شوتىنا ۇلتتىق قوردان اۋدارىلاتىن اقشاعا سالىق سالىنبايدى.

مينيسترلىكتىڭ ەسەبى بويىنشا بۇل جوباعا 6،5 ملن بالا قاتىسادى. ەگەر بالا 18 جاسقا دەيىن ازاماتتىعىن وزگەرتسە، جەكە شوتتا جينالعان اقشانى الا المايدى، دەپ حابارلايدى Almaty-akshamy.kz

ۇلتتىق ەكونوميكا ءمينيسترى الىبەك قۋانتىروۆ «ۇلتتىق قور – بالالارعا» جوباسى قالاي جۇزەگە اسىرىلاتىنىن ايتتى.

ول باعدارلاما 2024 جىلدان باستاپ ىسكە اسىرىلاتىنىن اتاپ ءوتتى. بالا 18 جاسقا تولعانعا دەيىن ولاردىڭ ارنايى شوتىنا ۇلتتىق قوردىڭ ينۆەستيسيالىق كىرىسىنىڭ 50%ء-ى ءتۇسىپ تۇرادى. بۇگىندە مينيسترلىكتىڭ ەسەبى بويىنشا جوباعا 6،5 ملن بالا قاتىسادى.

«ەگەر ۇلتتىق قوردىڭ ينۆەستيسيالىق كىرىسى تەرىس ماندە قالىپتاسسا، نە بولادى؟ ءبىز وسى ماسەلەنى دە تالقىلادىق. سول سەبەپتى ءبىز تەك ءبىر جىلدىڭ عانا كىرىسىن المايمىز. 18 جىلداعى ورتاشا جىلدىق تابىستى الامىز. ويتكەنى ول ءارقاشان وڭ ماندە قالىپتاسادى. بالا ون سەگىز جاسقا تولعاننان كەيىن الاتىن اقشاعا سالىق سالىنبايدى»، - دەدى قۋانتىروۆ.

سونداي-اق ەگەر قازاقستاندىق بالا ازاماتتىعىن وزگەرتسە، ول ۇلتتىق قوردىڭ تابىسىنان جينالعان اقشاسىن الا المايدى. ونىڭ شوتىنداعى قاراجات قالعان بالالار اراسىندا قايتا بولىنەدى.

«بالا شەتەلگە شىعا الادى. ەگەر ول ازاماتتىعىن وزگەرتپەسە، اقشا سول كۇيى ساقتالادى. ەگەر باسقا ازاماتتىق السا، وندا شوتىنداعى قارجى وعان بەرىلمەيدى»، - دەپ ءتۇسىندىردى مينيستر.