«الماتى سۋ» كاسىپورنىندا «اقىلدى سۋ قۇبىرىن» قۇرۋ بويىنشا اۋقىمدى جۇمىس باستالدى
بۇل تۋرالى وڭىرلىك كوممۋنيكاسيالار قىزمەتىنىڭ بريفينگى بارىسىندا «الماتى سۋ» مكك باس ديرەكتورى ءىلياس قازييەۆ حابارلادى. اتاپ وتەتىنى، كاسىپورىن تەك الماتى قالاسىن عانا ەمەس، مەگاپوليسكە ىرگەلەس ەلدى مەكەندەردى دە سۋمەن جانە كارىز جۇيەسىمەن قامتاماسىز ەتەدى، دەپ حابارلايدى Almaty-akshamy.kz.
ءىلياس قازييەۆتىڭ ايتۋىنشا، وتكەن جىلى سۋمەن جابدىقتاۋ جانە كارىز جۇيەسىن جاڭعىرتۋ جانە دامىتۋ شارالارى جالعاستى. جۇمىس بىرنەشە باعىتتا جۇرگىزىلدى، ەڭ الدىمەن، بۇل نىسانداردى، جەلىلەردى جانە جابدىقتاردى قىس ماۋىسىمىندا پايدالانۋعا دايىنداۋ، سونداي-اق جەلىلەردەگى اپاتتى جاعدايلاردى ازايتۋعا جانە سۋ ىسىرابىن ازايتۋعا باعىتتالعان شارالار بولدى.
«جازعى جوندەۋ ناۋقانىندا كاسىپورىننىڭ جەكە قاراجاتى ەسەبىنەن جالپى كولەمى 103 550 م3 39 تازا سۋ رەزەرۆۋارى جۋىلىپ، تازالاندى، 1،5 مىڭ قۇدىق، 1،9 مىڭ ۆەنتيل، 1050 ءورت ءسوندىرۋ گيدرانتتارى اۋىستىرىلىپ، جوندەلدى، 300 شاقىرىم سۋ قۇبىرى جانە 450 شاقىرىم كارىز جەلىلەرى تازارتىلدى، 25 شاقىرىمعا جۋىق ەڭ اپاتتى جەلىلەر اۋىستىرىلدى»، - دەپ اتاپ ءوتتى ءى.قازييەۆ.
2022 جىلعا ارنالعان ينۆەستيسيالىق باعدارلاما سۋمەن جابدىقتاۋ بويىنشا 2،8 ملرد تەڭگەنى، سۋ تارتۋ بويىنشا 947 ملن تەڭگەنى قۇرادى.
بيزنەس-پروسەستەردى ىشكى وڭتايلاندىرۋ جۇرگىزىلدى، وندىرىستىك جانە تەحنولوگيالىق سىزبالاردى جاڭعىرتۋ باعدارلاماسى جۇزەگە اسىرىلۋدا، تۇرعىندارعا ىڭعايلى بولۋ ءۇشىن جاڭا قىزمەتتەر ەنگىزىلدى، «اقىلدى سۋ قۇبىرى» - سيفرلى سۋ قۇبىرىن قۇرۋ بويىنشا اۋقىمدى جۇمىستار باستالدى.
«الماتى سۋ» كاسىپورنىنىڭ باس ديرەكتورى اتاپ وتكەندەي، قالاداعى نەگىزگى ماسەلە – توزىعى جەتكەن سۋ قۇبىرى جەلىلەرى، بۇل بەلگىلى ءبىر تۇتىنۋشىعا سۋ جەتكىزۋدى قيىنداتادى. جەدەل قىزمەتتەر كۇن سايىن (جوسپارلى جۇمىستاردىڭ ورنىنا) قازۋ جۇمىستارىن جۇرگىزۋگە، سۋمەن جابدىقتاۋ جەلىلەرىندەگى اپاتتار مەن اقاۋلاردى جويۋعا، سودان كەيىن اسفالتتاۋ مەن اباتتاندىرۋ جۇمىستارىن جۇرگىزۋگە ءماجبۇر. كارىز جەلىلەرىندەگى جاعداي دا كۇردەلى.
بۇگىنگى تاڭدا الماتى قالاسى بويىنشا سۋ قۇبىرى جەلىلەرىنىڭ توزۋى پايىزدىق كورسەتكىشپەن - 54،2%، ياعني، 1943 شاقىرىم سۋ قۇبىرى جەلىلەرىن اۋىستىرۋ قاجەت. كارىز جەلىلەرىنىڭ 56،6%-ى توزعان، ياعني 1000 شاقىرىمنان استامى رەكونسترۋكسيالاۋ قاجەت. اتاپ ايتقاندا، تالعار سۋ قۇبىرلارىنىڭ بارلىق جەلىلەرىن، قالا ىشىندەگى ماگيسترالدىق سۋ قۇبىرلارىن (رىسقۇلوۆ، مىڭبايەۆ جانە ت.ب.) كەزەڭ-كەزەڭىمەن اۋىستىرۋ قاجەت، زاگورودنىي جانە بۋرۋنداي ءىرى كارىز كوللەكتورلارىنىڭ توزىعى جەتكەن.
توزۋ قارقىنىن تومەندەتۋ ءۇشىن جىل سايىن كەمىندە 104 شاقىرىم سۋ قۇبىرى جەلىلەرىن جانە 73 شاقىرىم سۋ بۇرۋ جەلىلەرىن رەكونسترۋكسيالاۋ قاجەت، ال قولدانىستاعى ينۆەستيسيالىق باعدارلاما جىلىنا نەبارى 20-25 شاقىرىم قۇبىردى قايتا جاڭارتۋعا مۇمكىندىك بەرەدى.
بۇگىنگى تاڭدا ينجەنەرلىك جەلىلەردىڭ توزۋ كورسەتكىشىن ءبىر قالىپتا ۇستاپ تۇرۋ تەك جاڭا جەلىلەردى سالۋ ەسەبىنەن عانا ساقتالىپ وتىر. كاسىپورىننىڭ جوندەۋ قورى تولىعىمەن سۋ جانە كارىز تاريفتەرىنىڭ دەڭگەيىنە بايلانىستى، ءبىزدىڭ قالاداعى ولاردىڭ باعاسى رەسپۋبليكاداعى ەڭ تومەنگى كورسەتكىشتەردىڭ ءبىرى بولىپ قالا بەرەدى.
بۇعان دەيىن بەكىتىلگەن «الماتى قالاسىن 2025 جىلعا دەيىن دامىتۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» اياسىندا جەلىلەر مەن جابدىقتاردىڭ توزۋ دارەجەسىن تومەندەتۋدى جەدەلدەتۋ ماقساتىندا بيىل سۋمەن جابدىقتاۋ جانە سۋ بۇرۋ سالاسىنداعى جاڭا تاريفتىك ساياساتىن قۇرۋ جوسپارلانىپ وتىر.
«ينۆەستيسيالاردىڭ ورنىنا تاريفتەر» قاعيداتى بويىنشا تاريفتەردى ەنگىزۋ ينجەنەرلىك جەلىلەردى ۇستاۋعا جانە اۋىستىرۋعا كوبىرەك قاراجات جيناقتاۋعا جانە كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى. كورسەتىلگەن قىزمەتتەر ءۇشىن اقى الۋدىڭ اشىقتىعىن قامتاماسىز ەتۋ ماقساتىندا ەسەپكە الۋ جۇيەسىن اۆتوماتتاندىرۋ، «الماتى – مارت سيتي» تۇجىرىمداماسى اياسىندا نەگىزگى كوممۋنالدىق كاسىپورىنداردىڭ بارلىق ەسەپكە الۋ قۇرىلعىلارىنا داچيكتەر ورناتۋ قاراستىرىلادى»، - دەدى ءى.قازييەۆ.
سونداي-اق پروفيلاكتيكالىق جوندەۋ، قاشىقتىقتان دياگنوستيكالاۋ جانە ەنەرگيا تيىمدىلىگىن ارتتىرۋ ءۇشىن زاتتار ينتەرنەتى ادىستەمەسى ەنگىزىلەدى.
تۇرعىنداردى سۋ رەسۋرستارىن ۇنەمدى پايدالانۋعا ىنتالاندىرۋ ءۇشىن اعىمداعى جىلى سۋ ەسەپتەگىشتەرىن ورناتپاعان تۇتىنۋشىلار ءۇشىن جاڭارتىلعان سۋ تۇتىنۋ نورمالارىن ەنگىزۋ جوسپارلانۋدا.
ورتالىقتاندىرىلعان سۋ قۇبىرىنا قولى جەتپەيتىن تۇرعىنداردى سەنىمدى سۋمەن قامتاماسىز ەتۋ ماقساتىندا الداعى جىلدارى قارعالى، اقساي، ەرمەنساي جانە بارلىق وزەندەرىنىڭ سۋ تارتۋ قۇرىلىستارى ىسكە قوسىلىپ، قوسىلعان ون ەلدى مەكەندە 280 شاقىرىم سۋ قۇبىرى جەلىسى سالىنادى. بۇل 232 مىڭ تۇرعىندى سۋمەن قامتۋعا جانە قالانى ورتالىقتاندىرىلعان سۋمەن قامتۋعا 100 پايىز قول جەتكىزۋگە مۇمكىندىك بەرەدى.