فەلدشەر جانىپ جاتقان سالوننان قىمبات مەديسينالىق جابدىق پەن وتتەگى باللونىن الىپ شىقتى
ق ر دەنساۋلىق ساقتاۋ ءمينيسترىنىڭ بۇيرىعىمەن قىزىلوردا وبلىستىق جەدەل جاردەم ستانسياسىنىڭ مەديسينالىق اۆياسيا بولىمشەسىنىڭ فەلدشەرى مارات مەيرامبەك دەنساۋلىق ساقتاۋ ءىسىنىڭ ۇزدىگى توسبەلگىسىمەن ماراپاتتالدى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنە سىلتەمە جاساپ.
م.مەيرامبەك ناعىز ەرلىك جاسادى – ءوز ءومىرىن قاتەرگە تىگىپ، جانىپ جاتقان ۇشاقتىڭ بورتىندا وتتەگى باللونىنىڭ جارىلۋىنا جول بەرمەدى. ونىڭ باتىلدىعىنىڭ ارقاسىندا ءبارى امان قالدى.
2022 جىلدىڭ اقپان ايىندا اۋدان ورتالىعىنان 10 شاقىرىم جەردە "قىزىلوردا-ارال" باعىتى بويىنشا ديابەتتىك كوماداعى 16 جاسار پاسيەنتتى تاسىمالداۋ بويىنشا سانيتارلىق رەيس ورىنداعان ان-2 ۇشاعى شۇعىل قونۋ كەزىندە وتقا وراندى.
فەلدشەر جانىپ جاتقان سالوننان قىمبات مەديسينالىق جابدىق پەن وتتەگى باللونىن الىپ شىقتى. باللون سوڭعى ساتتە كەز كەلگەن سەكۋندتا جارىلىپ، پاسيەنتتىڭ، ونىڭ جانە ەكى ۇشقىشتىڭ ءومىرىن قيۋى مۇمكىن ەدى.