سولتۇستىك قىتايدىڭ باسىم بولىگىندە اپتاپ ىستىق ورنادى. ەلدىڭ وسى ايماقتارىنداعى قولايسىز اۋا رايىنا بايلانىستى قىزعىلت سارى دەڭگەيدەگى توتەنشە جاعداي جاريالاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قحر ۇلتتىق مەتەورولوگيالىق ورتالىعىنىڭ مالىمەتىنشە، بەيجىڭ، تيانسزين جانە حەبەي، شانسي، شەنسي (سولتۇستىك جۇڭگو) پروۆينسيالارىندا سەيسەنبى كۇنى تەرمومەتر 35 گرادۋستان جوعارى كوتەرىلدى، ال حەبەي پروۆينسياسىنىڭ كەيبىر اۋداندارىندا +40 بەلگىسىنەن اسىپ كەتتى. جۇڭگو سينوپتيكتەرى كۇتىلەتىن اپتاپ ىستىققا بايلانىستى ەلدىڭ سولتۇستىك وڭىرلەرى تۇرعىندارىنا فيزيكالىق بەلسەندىلىك پەن كوشەدە بولۋ ۋاقىتىن ازايتۋدى ۇسىندى. اۋا رايىنىڭ توسىن سىيىن سزيانسي پروۆينسياسىنىڭ تۇرعىندارى دا باستان وتكەردى، وندا وتكەن دۇيسەنبىدە نوسەرلى جاڭبىردان كەيىنگى سۋ تاسقىنى سالدارىنان ەڭ جوعارى، قىزىل، قاۋىپتىلىك دەڭگەيى جاريالاندى. وسى پروۆينسيانىڭ 485 مىڭعا جۋىق تۇرعىنى اپات سالدارىنان زارداپ شەكتى. قىتايدا تابيعي اپاتتار تۋرالى ءتورت دەڭگەيلى حالىقتى ەسكەرتۋ جۇيەسى بار، ول كوك، سارى، قىزعىلت سارى جانە قىزىل.