الماتى مەملەكەتىك ارحيۆىندە قازاقستاننىڭ حالىق جازۋشىسى، اقىن قادىر مىرزا ءالىنىڭ 90 جىلدىق مەرەيتويىنا وراي «قادىر مىرزا ءالى» قوعامدىق قورىنىڭ قاتىسۋىمەن «ادام جانىنىڭ سۋرەتكەرى قادىر مىرزا ءالى» اتتى ەسكە الۋ كەشى ءوتتى.
ءىس-شاراعا الماتى قالاسىنىڭ "قادىر مىرزا ءالى" قوعامدىق قورىنىڭ وكىلدەرى مەن زيالى قاۋىم، سونداي-اق ستۋدەنتتەر مەن مەكتەپ وقۋشىلارى قاتىستى.
- قادىر مىرزا ءالى -الماتى قالاسىنىڭ مەملەكەتتىك ءارحيۆىنىڭ № 662 قور يەگەرى. بۇل كىسىنىڭ ورال قالاسىندا مۇراجايى بار. ال بارلىق قۇجاتتارى مەن قولجازبالارى ءبىزدىڭ ارحيۆتە ساقتالعان. بۇگىن 90 جىلدىق مەرەيتويعا وراي فوتوكورمە جانە مەرەكەلىك كەش ۇيىمداستىرىلدى، - دەدى الماتى مەملەكەتىك ءارحيۆىنىڭ ديرەكتورى ابزال بوتانوۆ.
ەسكە سالۋ كەشىندە ەسترادا انشىلەرىنىڭ ورىنداۋىندا اقىننىڭ سوزىنە جازىلعان اندەر شىرقالدى.
- وسىدان 14 جىل بۇرىن قادىر اعامىزدىڭ ۇلكەن جۇرەگى وكىنىشكە قاراي توقتادى. ءبىراق سول كۇننەن باستاپ قادىر اعامىزدىڭ ەكىنشى عۇمىرى باستالدى. ول كىسىنىڭ تاماشا ادەبي مۇراسى، ۇشان تەڭىز پوەزياسى - جالپى ول كىسىنىڭ قاسيەتتى قالامىنان تۋعان دۇنيەلەردى حالىق اراسىندا ناسيحاتتاۋ، جاستارعا جەتكىزۋ باعىتىندا جۇمىس ىستەۋ كەرەك بولدى. بۇل باعىتتا 14 جىل بۇرىن «قادىر ءمىرزا-الى» قوعامدىق قورى قۇرىلدى، - دەدى «قادىر ءمىرزا-الى» قوعامدىق قورىنىڭ ديرەكتورى دونەدىل قاجىموۆ.