بوياۋ تۇسىمەن،
ادام ىسىمەن باعالى.
***
كۇرەك پەن كەتپەن
ەڭبەككەر نەتكەن!
***
وكپەنىڭ سۇيىنەرى – وتتەگى،
ديقاننىڭ سۇيەنەرى – كەتپەنى.
***
ءوز اششى تەرىڭ ءوز ارقاڭدا كەبۋى كەرەك.
***
وگىزدىڭ جەگەنىن جەسەڭ،
ىستەگەنىن دە ىستە!
***
عۇمىر تاۋسىلادى،
ال جۇمىس بىتپەيدى.
***
شىن مەيرام – جۇمىس كۇنى.
***
كوڭىلدى ءجۇرىپ ەڭبەك ەت،
جەلپىنىپ وتىرىپ تاماقتان.
***
ەڭبەككەردىڭ تەرى كەپپەيدى،
ءىسى كەرى كەتپەيدى.
***
ءبىر كوكتەن باسقا سيىنارىڭ،
ءبىر ەڭبەكتەن باسقا سۇيەنەرىڭ جوق.
***
ەڭبەككەر ادام توي-دۋمان دەپ ەلپىلدەپ تۇرمايدى.
ونىڭ قولى كەتپەن-كۇرەككە ىڭعايلى.
***
ادام ءوز ءومىرىن ەڭبەكتەۋدەن باستاپ،
ەڭبەكتەنۋمەن اياقتايدى.
***
ءبىر ساعات كەم ۇيىقتاساڭ،
ءبىر ساعات ارتىق ەڭبەك ەتەسىڭ.
***
ەڭبەك – ەمشى.
***
ەلدى اسكەر قورعايدى،
ەڭبەك اسىرايدى.
***
ەڭبەكتەۋ مەن ەڭبەكتەنۋدىڭ ەكى اراسى
ءومىر دەپ اتالادى.
***
جۇمىسشىنىڭ ۇيقىسى دا،
جۇدىرىعى دا قاتتى.
***
ەڭبەكتى جەك كورەتىن ادامنىڭ
ءومىر سۇرۋگە قۇقى جوق.
***
بىرەۋدىڭ ەڭبەگىن قاناۋ –
ءوز يمانىڭدى توناۋ.
***
كىم ەكەنىڭدى ەڭبەگىڭمەن دالەلدە،
باسقا جول جوق بۇل ەلدە.
***
التىن اربايدى،
جۇمىس جەبەيدى.
***
بىزدە جۇمىس ىستەيتىندەردەن گورى
جۇمىس ىستەتپەيتىندەر كوپ.
***
جاقسى جۇمىس جىگەرىڭدى قوزدىرادى،
جامان جۇمىس جۇيكەڭدى توزدىرادى.
***
ەڭبەك ەتۋ كەرەك قوي ەلگە،
جۇمىس – جۇمىس ەمەس، دەلبە.
***
جۇمىستان قايتقان شالعىنىڭ ءجۇزى جارقىن.
***
جۇمىس شارشاتادى،
جۇمىسسىزدىق ازدىرادى.
***
جالقاۋ جۇمىستان بەزەدى،
جۇمىسكەر جۇمىسىن ساعىنادى.
***
ىقىلاسپەن ىستەيتىن جۇمىس
ىعىر قىلمايدى.
***
ەڭبەك ەرى سوعىس باتىرىنان
ارتىق بولماسا، كەم ەمەس!
***
وگىز وزگە ءۇشىن،
ادام ءوزى ءۇشىن جۇمىس ىستەيدى.
***
جۇمىس دەگەنىڭ پايدالى پيعىل،
ءتيىمدى قيمىل.
***
جۇمىس، ءوز ەركىڭمەن ىستەسەڭ – ساۋلىق.
زورلىقپەن ىستەسەڭ – دەرت.
***
ەڭ جامان جۇمىس جۇمىسسىزدىقتان جاقسى.
***
قولدان كەلەتىندى قول ىستەيدى،
قولدان كەلمەيتىندى باس ىستەيدى.
***
ەڭبەك – ۇلى جاناشىر،
ۇلى تاربيەشى.
***
ادام – ءوزىن-وزى جاساعان قۇدىرەت.
قۇرالى – ەكى قولى جانە ەڭبەك.
***
ەڭبەكاقى قاشاندا ەڭبەكتەن ارزان.
***
ەڭبەكتىڭ عۇمىرى ۇزىن،
ەڭبەكاقى ۋاقىتشا.
***
ەڭبەك – كەدەيدىكى،
تابىس – بايدىكى.
***
سورلىنىڭ ەڭبەگى بايدى تورگە شىعارادى،
كەدەيدى كورگە تىعادى.
***
سوسياليزم – ساۋىن سيىر
كاپيتاليزم – قورقاۋ.
***
ەڭ ادەمى قوعام –
ەڭبەكتى باعالايتىن قوعام.
***
ەڭبەك – وگىز،
ەڭبەكاقى – بۇزاۋ.
***
جۇمىسسىز ەركەك – ايەلدىڭ موينىنا
ءىلىپ قويعان ديىرمەننىڭ ۇستىڭگى تاسى.
***
ەڭبەكتىڭ تەرى – بەرەكە،
ماڭدايدىڭ تەرى – ءىنجۋ.
ماڭدايدىڭ تەرى – مارجان،
ەڭبەكتىڭ ءوزى – ارزان.
***
ادامنىڭ اناسى – تابيعات،
اكەسى ەڭبەك.
***
ەڭبەككەر ادام
ەڭبەكتەن قالسا دا،
اشتان ولمەيدى.
***
ەڭبەگى جانعاننىڭ جۇلدىزى جانادى.
***
تىرلىك دەگەن جۇمىس،
ءومىر دەگەن ۇلى ءىس.
ۇلى ىسىندە ۇلىستىڭ
بولماۋ كەرەك تۇرىس.
***
دۇنگەندەر ەڭبەككەر بالا تۋادى،
بالالارى كەتپەنىن الا تۋادى.
***
جارىلقاۋشى – جاراتقان،
ەسىركەۋشى – ەڭبەك.
***
جانىڭدى سالىپ ىستەيتىن جۇمىس – شابىت.
قانىڭدى سىعىپ الاتىن جۇمىس – قامىت.
***
ساۋلىقتان اسقان ەنشى جوق،
ەڭبەكتەن اسقان ەمشى جوق.
***
تۇسىنبەيمىز عوي كەيدە،
بەينەتتىڭ ءتۇبى – زەينەت.
***
تاۋەلدى جۇمىس –
تارىلعان تىنىس.
كوڭىلدى جۇمىس –
تاسىعان ىرىس.
***
الدىمەن جورگەكتەن
شىعا ساپ ەڭبەكتە.
سودان سوڭ ولگەنشە،
ولگەنشە ەڭبەكتەن!
***
ەڭبەك پەنەن دەمالىس
پارادتاعى پار ات.
***
ىقىلاسپەن ىستەگەن جۇمىس – ءجۇمىس،
ىقىلاسسىز ىستەگەن جۇمىس – قىلمىس.
***
ەڭبەك – تىرلىكتىڭ ەكىنشى اتى.
دۇنيەدەگى ءبىر جاناشىرىڭ – جۇمىس.
***
بايلىق ەڭبەكپەن كەلەدى،
شولمەكپەن كەتەدى.
***
مالدى تابۋ قيىن،
باعۋ دا وڭاي ەمەس.
***
جۇمىس – بىرەۋلەر ءۇشىن قۇر ازاپ،
بىرەۋلەر ءۇشىن – ءلاززات.
***
جەلمەن كەلگەن جەلمەن كەتەدى
تەرمەن كەلگەن تەرىڭە سىڭەدى.
***
ەڭبەك ەتپەگەن ەڭبەكتەپ كەتەدى.
***
اششى تەر توكپەي،
تۇششى تىرلىك بولمايدى.
***
ەڭبەك ەتكەننىڭ ەڭسەسى بيىك.
***
بويى دەل-سال ادامنىڭ
ويى دا دەل-سال.
***
ەڭبەككەردىڭ ەنشىسى بولەك.
***
باي ەل وزبايدى،
ەڭبەككەر ەل وزادى.
***
ەڭبەكسىز كەلگەن بايلىق –
بايلىق ەمەس – قايعى.
***
ەڭبەك – ءتاننىڭ قۋانىشى،
جاننىڭ جۇبانىشى.
***
كوكتەگى قۇدىرەت – قۇداي،
جەردەگى قۇدىرەت – ەڭبەك.
***
ءبىرىنشى بايلىق – دەنساۋلىق،
ەكىنشى بايلىق – ىسكەرلىك،
ءۇشىنشى بايلىق – كىربىڭسىز كوڭىل.
***
جالقاۋدىڭ جانى جادىرامايدى.
***
بەينەتقور بولۋىڭ – تاڭىردەن،
ەڭبەكقور بولۋىڭ – وزىڭنەن.
***
ابىرويدىڭ اناسى – اقىل،
اتاسى – ەڭبەك.
***
كۇستى قول – كۇشتى قول.
***
تۇلپار – بايگەگە شاپقاندا،
ديقان – كەتپەن شاپقاندا تەرلەيدى.
***
ءومىردىڭ ءمانى دە، ءدامى دە – ەڭبەكتە.
***
تەر توكپەي،
بولمايدى ءومىر ەرتەكتەي.
***