پۋسان - وڭتۇستىك كورەيانىڭ ەكىنشى ءىرى قالاسى
پۋسان قالاسىندا قازاقستان رەسپۋبليكاسىنىڭ باس كونسۋلدىعىنىڭ سالتاناتتى اشىلۋ ءراسىمى ءوتتى. قازاقستان ەلشىسى باقىت دۇيسەنبايەۆ قۇتتىقتاۋ سوزىندە باس كونسۋلدىقتىڭ اشىلۋىنا اتسالىسقانى ءۇشىن كورەيا رەسپۋبليكاسىنىڭ ۇكىمەتىنە، سىرتقى ىستەر مينيسترلىگىنە جانە پۋسان قالاسىنىڭ اكىمشىلىگىنە ەرەكشە العىسىن ءبىلدىردى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
ب. دۇيسەنبايەۆ قازاقستان باس كونسۋلدىعىنىڭ اشىلۋى ەكى ەلدىڭ اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىمەن تۇسپا-تۇس كەلگەن تاريحي وقيعا ەكەنىن اتاپ ءوتتى.
اشىلۋ سالتاناتىندا پۋسانداعى ق ر باس كونسۋلى ايان قاشابايەۆ ءسوز سويلەپ، باس كونسۋلدىقتىڭ ەكىجاقتى ىنتىماقتاستىقتى جانداندىرۋ، سونداي-اق قازاقستان ازاماتتارىنىڭ زاڭدى قۇقىقتارى مەن مۇددەلەرىن قورعاۋ ءۇشىن بارلىق كۇش-جىگەرىن سالاتىنىن اتاپ ءوتتى.
ءىس-شاراعا كورەيا رەسپۋبليكاسى سىرتقى ىستەر مينيسترلىگىنىڭ، پۋسان قالاسى مەرياسىنىڭ، ديپلوماتيالىق كورپۋستىڭ، ىسكەرلىك توپتاردىڭ، جۇرتشىلىق پەن ب ا ق وكىلدەرى قاتىستى.
پۋسان - وڭتۇستىك كورەيانىڭ ەكىنشى ءىرى قالاسى جانە سولتۇستىك-شىعىس ازياداعى ەڭ ۇلكەن پورت جانە حالىقارالىق قارجى ورتالىعى. پۋسان اۋماعىندا 51 شەتەلدىك ديپلوماتيالىق وكىلدىكتەر اشىلدى، ولاردىڭ ىشىندە 6 كونسۋلدىق، 5 مادەني ورتالىق، بۇۇ-نىڭ 2 مەكەمەسى، 1 ساۋدا وكىلدىگى جانە 37 قۇرمەتتى كونسۋلدىقتار بار.