بۇل تۋرالى «اشىق» نقا پورتالىندا جاريالانعان.
دەنساۋلىق ساقتاۋ ءمينيسترىنىڭ بۇيرىعى بويىنشا پسيحيكالىق دەرتى بار ناۋقاستاردى باقىلاۋ، ونى ەسەپكە الۋ جانە شىعارۋ ەلەكتروندى فورماتتا جۇرگىزىلەدى، دەپ حابارلايدى Almaty-akshamy.kz
«دارىگەرلىك-كونسۋلتاسيالىق كوميسسيا شەشىمىنىڭ نەگىزىندە جۇزەگە اسىرىلاتىن ديناميكالىق بايقاۋعا الۋ، ديناميكالىق بايقاۋدى الىپ تاستاۋ، ەسەپتەن شىعارۋ جانە ديناميكالىق بايقاۋدىڭ باسقا توبىنا اۋىستىرۋ تۋرالى دەرەكتەردى ەنگىزۋ تەك ەلەكتروندى سيفرلىق قولتاڭبامەن راستالعان دارىگەرلىك-كونسۋلتاسيالىق كوميسسيا مۇشەلەرىنىڭ لوگين، ءپارولى ارقىلى جۇزەگە اسىرىلادى»، - دەپ جازىلعان قۇجاتتا.
قولدانىستاعى زاڭنامادا مۇنداي نورما جوق.
دەنساۋلىق ساقتاۋ مينيسترلىگىنىڭ تۇسىنىدىرۋىنشە، بۇل جوبا مىندەتتى دەربەس ەسەپكە الۋ جانە ءمامس جۇيەسىندەگى شىعىستاردىڭ بارشاعا قولجەتىمدى بولۋى ءۇشىن ۇسىنىلعان.
بۇيرىق جوباسىن اشىق تالقىلاۋ 28 اقپانعا دەيىن جۇرگىزىلەدى.