بۇل - ۇلتتىق ستاتيستيكا بيۋروسىنىڭ مالىمەتى.
قاڭتار ايىنىڭ قورىتىندىسى بويىنشا، ءبىر جىلدا دارەتحانا قاعازى 51،7% قىمباتتاعان، دەپ حابارلايدى Almaty-akshamy.kz Energyprom.kz-كە سىلتەمە جاساپ.
وڭىرلىك تۇرعىدا باعانىڭ ەڭ جوعارى ءوسۋى استانادا تىركەلدى: بىردەن + 83%. ودان كەيىنگى ورىندا اتىراۋ (+71،6%)، اباي (+69،7%) جانە پاۆلودار (+68،5%) وبلىستارى، سونىمەن قاتار الماتى (+67،2%) دا بار. باعانىڭ ەڭ از ءوسىمى قىزىلوردا وبلىسىندا تىركەلدى: +13%.
2022 جىلدىڭ قاڭتار-جەلتوقسان ايلارىندا ەلدە 26،8 مىڭ توننا دارەتحانا قاعازى ءوندىرىلدى. بۇل ءبىر جىل بۇرىنعىدان 23،7%-عا از.
وڭىرلىك تۇرعىدا ءوندىرىستىڭ نەگىزگى كولەمى الماتى قالاسىنا تيەسىلى: قازاقستان بويىنشا 86،2% نەمەسە جىلىنا 23،1 مىڭ توننا (جىلىنا -21،9%). ەكىنشى جانە ءۇشىنشى قاتاردا قاراعاندى وبلىسى (1،1 مىڭ توننا، +20،1%) جانە شىمكەنت (802،9 توننا، -52،8%).
قازاقستان ءبىر جىلدا 243،4 توننا دارەتحانا قاعازىن ەكسپورتتادى. بۇل جىلىنا +16،5%. ىشكى نارىقتا ساتىلىم 22،6% تومەندەپ، 38،1 مىڭ توننا بولدى.
دارەتحانا قاعازىنىڭ قىمباتتاۋى بىلتىر دا تىركەلدى. 2022 جىلدىڭ ءساۋىر ايىندا قازاقستاندا دارەتحانا قاعازى ءبىر جىلدا 11% قىمباتتاعانى تۋرالى ستاتيستيكا جاريالاندى.