پسيحديسپانسەردەن قاشىپ كەتكەن ناۋقاس ءتورت كۇننەن بەرى تابىلماي جاتىر

بويى 160-165 سم شاماسىندا، دەنە ءبىتىمى ورتاشا كەلگەن

سولتۇستىك قازاقستان وبلىسىندا 29 جاستاعى جىگىت تايىنشا قالاسىندا ورنالاسقان پسيحيكالىق دەنساۋلىق ورتالىعىنان كەتىپ قالعان. سىرقات ءتورت كۇننەن بەرى تابىلماي جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.

ۆولونتەرلەر الەۋمەتتىك جەلىدە 29 جاستاعى رۋسلان ۆاسيليەۆيچ ششەدنيەۆكە ىزدەۋ جاريالادى. ول 21 ءساۋىر كۇنى ساعات 10.00 شاماسىندا تايىنشا قالاسىنداعى پسيحيكالىق دەنساۋلىق ورتالىعىنان شىعىپ كەتكەن. جىگىتكە «پسيحيكالىق بۇزىلۋ» دياگنوزى قويىلعان. بويى 180-182 سم شاماسىندا. ارىقشا كەلگەن، قىسقا قارا شاشتى.

ۇستىندە كاپيۋشونى بار كوك كۇرتەشە، قارا تريكو، باتەڭكە جانە قارا ءتۇستى باس كيىم بولعان.

سونداي-اق وڭىردە قىزىلجار اۋدانى چاپايەۆ ەلدى مەكەنىنىڭ تۇرعىنى ناريمان نۇرسەيىتوۆكە دە ىزدەۋ جاريالاندى. 49 جاستاعى ەر ادام 26 ناۋرىز كۇنى ۇيىنەن شىعىپ، وبلىس ورتالىعىنا بەت تۇزەگەن. سودان بەرى حابار جوق.

بويى 160-165 سم شاماسىندا، دەنە ءبىتىمى ورتاشا كەلگەن، شاشى قىسقا، سەلدىر، قارا ءتۇستى.

سول كۇنى ۇستىندە قارا كۇرتەشە، قارا-كوك ءتۇستى دجينس شالبار جانە قارا باس كيىم بولعان.

جوعالعان ادامدار جايىندا قانداي دا ءبىر مالىمەت بولسا 8 926 62664 33، 8 777 307 99 65 نەمەسە 102 نومىرىنە حابارلاسۋعا بولادى.