الماتى وبلىسىندا مالشىلار تاۋىپ العان قار بارىسى دالاعا جىبەرىلۋى مۇمكىن

ەكى تابانى جاراقاتتانعان

ءقازىر اڭ الماتىداعى حايۋاناتتار باعىندا ءبىر ايعا كارانتينگە جابىلعان. ەشكىمنىڭ كىرۋىنە رۇقسات جوق. ۆەتەرينارلاردىڭ ايتۋىنشا، قار بارىسى شامامەن ءبىر جارىم، ەكى جاستا. انىعى زەرتحانالىق ساراپتامادان كەيىن بەلگىلى بولادى، دەپ حابارلايدى Almaty-akshamy.kz.

وعان قوسا اڭ جۇقپالى اۋرۋلارعا تەكسەرىلەدى. جابايى جىرتقىشتى 19 ناۋرىز كۇنى نارىنقول اۋدانىنا قاراستى سارىباستاۋ اۋىلىنىڭ مالشىلارى كورىپ حابار بەرگەن. كەيىن جىرتقىش الماتىعا جەتكىزىلدى. ەلىمىز بويىنشا 200-گە جۋىق قار بارىسى بار. سيرەك كەزدەسەتىن اڭ قىزىل كىتاپقا ەنگەن، دەپ حابارلادى "حابار-24".      

"ءقازىر جاعدايى جامان ەمەس. تەك السىرەپ قالعان بولۋى كەرەك. ەكى تابانى جاراقاتتانعان. وعان قورقاتىن ەشتەڭە جوق. جىرتقىش اڭداردا ونداي بولىپ تۇرادى. تەز جازىلىپ كەتەدى. تولىق تەكسەرىستەن وتەدى. ەگەر بارلىعى جاقسى بولسا، جابايى تابيعاتقا جىبەرىلەدى. ارينە، قار بارىسىنىڭ تۇزدە تاۋ باسىندا جۇرگەنىنە نە جەتسىن"، - دەيدى ۆەتەرينار ۆيتاليي ساچكوۆ.

19 ساۋىردە سارىباستاۋ اۋىلىنىڭ تۇرعىنى مال جايىپ ءجۇرىپ، السىرەپ جاتقان بارىستى تاۋىپ العانى حابارلاعان بولاتىن.