ەلدىڭ ءبىرقاتار ايماعىندا لوكداۋن ەنگىزىلدى.
قىتايدا ينفەكسيانىڭ كۇرت وسۋىنە بايلانىستى سوڭعى تاۋلىكتە 2 مىڭعا جۋىق اۋرۋ جۇقتىرۋ جاعدايى انىقتالدى، دەپ حابارلايدى Almaty-akshamy.kz
وسىلايشا 17 ملن حالقى بار شەنچجەندە ءبىر اپتالىق وقشاۋلاۋ رەجيمى جاريالاندى. 14 ناۋرىزدان باستاپ ازاماتتارعا قالادان شىعۋعا تىيىم سالىنادى، سونداي-اق تۇرعىندار ءۇش كەزەڭدىك تەستىلەۋدەن وتۋلەرى ءتيىس.
تىرشىلىكتى قامتاماسىز ەتۋشى مەكەمەلەردەن باسقا ۇيىمداردىڭ بارلىعى جۇمىسىن توقتاتىپ، قىزمەتكەرلەرىن قاشىقتان قىزمەت ەتۋگە اۋىستىردى. شانحايدا جولاۋشىلار اۆتوبۋستارى دا باعداردان الىندى. ال "وميكرون" شتامى كوپ تاراعان سزيلين قالاسىندا 10 مىڭ ورىندىق قوسىمشا اۋرۋحانالار سالىنىپ جاتىر. بۇعان دەيىن تولىق وقشاۋلاۋ رەجيمى چانچۋندا ەنگىزىلگەن بولاتىن.