الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى بوستاندىق اۋداندىق پروباسيا قىزمەتىنىڭ باقىلاۋىنا 254 سوتتالعان ادام تىركەلگەن.
پروباسيا قىزمەتىنىڭ ينسپەكتورلارى سوتتالعانداردىڭ الەۋمەتتىك بەيىمدەلۋى بويىنشا جۇمىستى ارنايى باعدارلاما بويىنشا جۇرگىزەدى. سونىمەن قاتار باعدارلامانى جۇزەگە اسىرۋدان تىس سوتتالعانداردان كومەك كورسەتۋ تۋرالى كەلىپ تۇسكەن وتىنىشتەر دە جاۋاپسىز قالمايدى. ولاردىڭ مەملەكەتتىك ورگانداردان كومەك الۋىنا پروباسيا قىزمەتكەرلەرى اتسالىسادى.
سوتتالعان ادامنىڭ العان ءبىلىمىن، تاعى دا باسقا مالىمەتتەردى راستايتىن قۇجاتتاردىڭ بولماۋى سوتتالعان تۇلعالاردىڭ قوعامعا بەيىمدەلۋىنە ايتارلىقتاي قيىندىق تۋدىراتىنى ءسوزسىز.
وسىعان وراي جىل باسىنان بەرى بوستاندىق اۋدانى پروباسيالىق باقىلاۋ ءبولىمىنىڭ قىزمەتكەرلەرى 27 سوتتالعانعا زاڭگەرلىك كومەك كورسەتتى. بولاشاقتا، مەملەكەتتىك ورگاندار اراسىنداعى ەلەكتروندى قۇجاتتار اينالىمىن پايدالانۋعا جانە مالىمەت بازالارىن بىرىكتىرۋگە بايلانىستى كومەك كورسەتۋ مەرزىمدەرى ەداۋىر قىسقارماق.