الماتىنىڭ قالا قۇرىلىسىن باقىلاۋ باسقارماسىنىڭ اقپاراتى بويىنشا، ينتەرنەت-رەسۋرستاردا DEMEU Residence تك-دە قۇرىلىس سالۋشى Demeu Development-تە پاتەرلەردى ساتۋ تۋرالى حابارلاندىرۋلار جاريالاندى، دەپ حابارلايدى almaty-akshamy.kz
الايدا، مەنشىك يەسى قۇرىلىسقا رۇقسات قۇجاتتارىن العان جوق. سونىمەن قاتار، گورنىي گيگانت ۋچ.192 وندىرىستىك كووپەراتيۆىندە ورنالاسقان جەر ۋچاسكەسىنىڭ ماقساتتى باعىتى جەكە قوسالقى شارۋاشىلىق جۇرگىزۋ بولىپ تابىلادى.
ۋچاسكەدە قۇرىلىس جۇرگىزىلمەيدى، الايدا، حابارلاندىرۋعا سايكەس، تۇرعىن ءۇي كەشەنىن اعىمداعى جىلدىڭ IV توقسانىندا تاپسىرۋ جوسپارلانۋدا.
قالا تۇرعىندارىن اباي بولۋعا جانە جىلجىمايتىن مۇلىكتى ساتىپ الماس بۇرىن الماتىنىڭ قالا قۇرىلىسىن باقىلاۋ باسقارماسى جەدەل جەلىسىنىڭ +7 (727) 229-81-36 ءنومىرى بويىنشا سالىنىپ جاتقان تك قۇجاتتاردىڭ تولىق پاكەتىن تەكسەرۋگە شاقىرامىز.