ساپار ەكى كۇن ءوتتى
مەملەكەت باسشىسىن انكارانىڭ حالىقارالىق اۋەجايىندا تۇركيانىڭ ۆيسە-پرەزيدەنتى فۋات وكتاي شىعارىپ سالدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
ەكى كۇنگە سوزىلعان مەملەكەتتىك ساپاردىڭ نەگىزگى ءتۇيىنى - تۇركيا پرەزيدەنتى رەجەپ تاييپ ەردوعانمەن جۇرگىزىلگەن جان-جاقتى كەلىسسوزدەر ناتيجەسىندە قازاقستان-تۇركيا قارىم-قاتىناسىن كەڭەيتىلگەن ستراتەگيالىق ارىپتەستىك دەڭگەيىنە كوتەرۋ تۋرالى كەلىسىمگە قول جەتكىزىلدى. سونىمەن قاتار، ءارتۇرلى سالالاردا ىنتىماقتاستىقتى نىعايتا تۇسەتىن ءبىرقاتار ماڭىزدى ۇكىمەتارالىق كەلىسىمدەرگە قول قويىلدى. سونداي-اق، مەملەكەت باسشىسى تۇرىك بيزنەسىنىڭ ءىرى وكىلدەرىمەن كەزدەستى. ولارمەن كەزدەسۋ ەكى ەل اراسىنداعى ساۋدا-ەكونوميكالىق جانە ينۆەستيسيالىق ىنتىماقتاستىقتى نىعايتۋعا سەپتىگىن تيگىزەرى ءسوزسىز ەكەنىن ايتتى. قاسىم-جومارت توقايەۆ اتاپ وتكەندەي، قول جەتكىزىلگەن بارلىق ۋاعدالاستىقتىڭ ورىندالۋى ونىڭ جەكە باقىلاۋىندا بولادى. بىلتىر تۇركيانىڭ تىكەلەي ينۆەستيسياسى رەكوردتىق كورسەتكىشكە جەتىپ، 680 ميلليون دوللار بولدى. بۇل تۋرالى پرەزيدەنت قاسىم-جومارت توقايەۆ قازاقستان مەن تۇركيا بيزنەس وكىلدەرىنىڭ باسقوسۋىندا ايتتى. قاسىم-جومارت توقايەۆ تۇركيا ينۆەستورلارىنا قولداۋ كورسەتىلەتىنىن جەتكىزدى. ايتا كەتەيىك، پرەزيدەنت قاسىم-جومارت توقايەۆ تۇركيا پرەزيدەنتى رەجەپ تايىپ ەردوعاننىڭ شاقىرۋىمەن تۇركيا رەسپۋبليكاسىنا مەملەكەتتىك ساپارمەن باردى. قاسىم-جومارت توقايەۆتىڭ تۇركيا رەسپۋبليكاسىنا مەملەكەتتىك ساپارى تۇركيانىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ رۋحىنا تاعزىم ەتۋدەن باستالدى. پرەزيدەنت سارايىندا سالتاناتتى تۇردە مەملەكەت باسشىسى قاسىم-جومارت توقايەۆتى رەسمي قارسى الۋ شاراسى ءوتتى.