قازاقستان رەسپۋبليكاسى ۇلتتىق كىتاپحاناسىندا جازۋشىلار وداعى حاتشىلىعىنىڭ كەڭەيتىلگەن وتىرىسى ءوتتى.
جيىنعا ەلىمىزدىڭ بەلدى قالامگەرلەرى قاتىستى. ولار مەملەكەت باسشىسىنىڭ كونستيتۋسيالىق رەفورما بويىنشا رەفەرەندۋم وتكىزۋ تۋرالى شەشىمىن قولدادى، دەپ حابارلايدى Almaty-akshamy.kz
"بۇل وتە ماڭىزدى شەشىم. بۇل ەلىمىزدىڭ تاريحىنداعى جاڭا بەلەستى بىلدىرەدى. ءقازىر كوپ نارسە حالىققا، ونىڭ ۇستىنە ازاماتتىق ۇستانىمىن بىلدىرەتىن ءاربىر ادامعا بايلانىستى. ءبىز تاريحتىڭ جازۋشىلارى، كۋاگەرلەرى، شەجىرەشىلەرى رەتىندە رەفەرەندۋم وتكىزۋ يدەياسىن ءبىراۋىزدان قولدايمىز"، – دەدى قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت.
ءوز كەزەگىندە مارات توقاشبايەۆ قازاقستان پرەزيدەنتى قاسىم-جومارت توقايەۆتىڭ باستامالارىنا جان-جاقتى قولداۋ كورسەتۋدىڭ ماڭىزى زور ەكەنىن اتاپ ءوتتى.
"ءبىز قازاقستان تاريحىنىڭ جاڭا تاراۋىن جازا باستادىق جانە كەز كەلگەن ادام رەفەرەندۋمعا قاتىسۋ ارقىلى بىرلەسكەن اۆتور بولا الادى. بۇل شىنىمەن دە وتە ماڭىزدى"، - دەپ اتاپ ءوتتى جازۋشى.
«قازاق ادەبيەتى» گازەتىنىڭ باس رەداكتورى داۋرەن قۋات تا رەفەرەندۋمدى قولداپ، بۇل تاريحي قادامنىڭ ماڭىزدىلىعىنا توقتالدى.
"ءسوزسىز، رەفەرەندۋم ەل ءۇشىن ەڭ ماڭىزدى قادام جانە ونىڭ قالاي وتەتىنى كوپ جاعدايدا بىزگە، ونىڭ ءاربىر ادام ءۇشىن قانشالىقتى ماڭىزدى ەكەنىنە بايلانىستى. بۇل تاريحي وقيعا، ونىڭ ماڭىزى تۋرالى ايتۋىمىز كەرەك"، – دەدى ول.
جيىن قورىتىندىسى بويىنشا قازاقستان جازۋشىلار وداعى حاتشىلىعىنىڭ مۇشەلەرى رەفەرەندۋمدى ءبىراۋىزدان قولدادى.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا «Alataý Aqparat» ج ش س تاپسىرىسى بويىنشا جاريالاندى. جاۋاپتى تۇلعا – ويسايەۆ ب.ب.