ەلورداداعى بەيبىتشىلىك جانە كەلىسىم سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن حالىقارالىق ۆولونتەرلەر فورۋمى باستالدى، دەپ حابارلايدى Almaty-akshamy.kz.
كەشەدەن بەرى ءوتىپ جاتقان حالىقارالىق ۆولونتەرلەر فورۋمىنا الەمنىڭ 34 ەلىنەن 140-تان استام ەرىكتى قاتىسىپ جاتىر. سونداي-اق 50-گە جۋىق شەتەلدىك سپيكەر كەلدى.
ايتا كەتەيىك، كەيىنگى ءۇش جىلدا ەلىمىزدە ۆولونتەرلەردىڭ سانى ءۇش ەسە كوبەيدى. مىسالى، 2019 جىلى ۆولونتەرلىك ۇيىمداردىڭ سانى 50-دەن استام بولسا، قازىرگى تاڭدا 680-گە جەتىپ وتىر. سونىمەن بىرگە ۆولونتەرلەردىڭ سانى 2019 جىلى 50 مىڭ بولسا، ءقازىر رەسپۋبليكا بويىنشا ۆولونتەرلەر سانى 200 مىڭنان اسادى.
فورۋمنىڭ نەگىزگى ماقساتى – ۆولونتەرلەر قوزعالىسىن دامىتۋ جانە قولداۋ سالاسىنداعى قازاقستاندىق تاجىريبەنى تانىستىرىپ، حالىقارالىق ارەنادا ەلدىڭ وڭ ءيميدجىن قالىپتاستىرۋ.