گيمالايداعى مۇزدىقتار ەرىپ جاتىر.
عالىمدار «مۇنىڭ سالدارى وتە اۋىر بولادى» دەپ بولجايدى.
ويتكەنى تاۋلى ايماقتا 240 ميلليون ادام تۇرادى. ەرۋ وسىلاي جالعاسا بەرسە 2100 ءشى جىلعا قاراي الەمدەگى ەڭ بيىك تاۋداعى مۇزدىقتاردىڭ 75 پايىزى جويىلىپ، سوڭى الاپات تاسقىنعا ۇلاسىپ، اۋىزسۋ تاپشى بولۋى مۇمكىن، دەپ حابارلايدى Almaty-akshamy.kz 24.kz-كە سىلتەمە جاساپ.
بۇعان ءبىرىنشى كەزەكتە عالامدىق جىلىنۋ سەبەپ. نەگىزى مۇزدىقتاردىڭ بەلسەندى تۇردە ەرۋى 2010 جىلى باستالدى.
«مۇزدىقتاردىڭ ەرۋىنە اۋاعا زياندى گاز قالدىقتارىنىڭ ءبولىنۋى تىكەلەي سەبەپ بولىپ وتىر. نەگىزى ءبىز عالامدىق جىلىنۋ كورسەتكىشىن 1 جارىم گرادۋس دەڭگەيىندە ۇستاۋىمىز كەرەك. بىلاي قاراساڭىز، 2100 جىلعا دەيىن ۇزاق ۋاقىت بار سياقتى، ءبىراق قازىردەن قامدانباساق، ميلليونداعان ادام ۇلكەن زارداپقا ۇرىنعالى تۇر. جىل سايىن مۇز بەن قاردىڭ قالىڭدىعى جۇقارىپ جاتىر»، - دەيدى مۇز قاباتى بويىنشا مامانميريام دجەكسون.