الماتىنىڭ تۇرعىن الابىندا ينتيمدىك قىزمەت كورسەتكەن ماسساج سالونى انىقتالدى.
الماتى پوليسەيلەرى ينتيمدىك ماسساج جاسايتىن سالوندى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ بولىمشەنىڭ قىزمەتكەرلەرى تاۋگۇل-3 ىقشاماۋدانىنداعى ۇيلەردىڭ بىرىندە ساۋىقتىرۋ كەشەنىنىڭ اتىن جامىلعان بودي-ماسساج جاسايتىن سالوندى انىقتادى. عيماراتتىڭ بارلىق بولمەلەرى كليەنتتەردى قابىلداۋ ءۇشىن جابدىقتالعان. تەكسەرۋ بارىسىندا “جۇمىس ورنىندا” بەس قىز بەن ءۇيدى جالعا الۋشى ۇستالدى. ولار جەكە باسىن انىقتاۋ جانە ءبىزدىڭ جازبالار بويىنشا تەكسەرۋ ءۇشىن بولىمشەگە جەتكىزىلدى. عيماراتتى جالعا الۋشى ك.ەسىمدى ازاماتشا جەزوكشەلەر ءۇيىن ۇيىمداستىرعانى ءۇشىن جاۋاپكەرشىلىككە تارتىلدى. جەزوكشەلىكپەن اينالىسۋعا ءۇي-جاي بەرگەن عيماراتتىڭ يەسىن مىندەتتى تۇردە انىقتايمىز. بۇل دا زاڭعا قايشى ارەكەت»، – دەدى اۋەزوۆ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.