2022 جىلدىڭ 12 قاراشاسىندا ق ر پرەزيدەنتتىگىنە جالپىۇلتتىق سوسيال-دەموكراتيالىق پارتياسى اتىنان كانديدات نۇرلان اۋەسبايەۆ اقمولا وبلىسى اقكول قالاسىندا سايلاۋشىلارمەن كەزدەسۋ وتكىزدى.
ءىس-شارا بارىسىندا جينالعان قاۋىمعا سايلاۋالدى باعدارلاماسىنىڭ باسىم باعىتتارى جونىندە باياندادى.
نۇرلان اۋەسبايەۆتىڭ پىكىرىنشە، قازاقستان ءبىرقاتار ساياسي رەفورمالاردى جۇزەگە اسىرۋى قاجەت.
ءبىرىنشى كەزەكتە، پرەزيدەنتتىك بيلىكتەن باس تارتۋىمىز كەرەك. مەملەكەت باسشىسى قىزمەتتەرىنىڭ ءبىر بولىگىن ماجىلىسكە بەرىپ، ونىڭ قۋاتتى ءارى تاۋەلسىز ورگان بولۋىنا جاعداي جاساۋ قاجەت. اۋەسبايەۆتىڭ پىكىرىنشە، ءماجىلىس ۇكىمەتتى قۇرۋى ءتيىس.
رەفورمالار ىشىندە بيۋدجەتتىك پروسەدۋرالاردى جەتىلدىرۋ ۇسىنىسى دا بار. ءار ەلدى مەكەندە وزىنە تيەسىلى اشىق بيۋدجەت جاساقتالىپ، ناقتى ۋاقىت رەجيمىندە ونلاين تۇردە مەملەكەت اقشاسىنىڭ قالاي جانە قايدا جۇمسالىپ جاتقاندىعى اشىق كورسەتىلىپ وتىرۋى كەرەك.
سونىمەن بىرگە نۇرلان اۋەسبايەۆ زاڭسىز بايۋعا قاتىستى جازانى قاتاڭداتۋدى ۇسىندى. كانديداتتىڭ پىكىرىنشە، پاراقورلارمەن كۇرەستىڭ جالعىز ءتيىمدى ءادىسى وسى.