قازاقستاننىڭ 11 وبلىسىندا كوكتايعاق پەن جەلدىڭ كۇشەيۋىنە بايلانىستى ەسكەرتۋ جاريالاندى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
14 قاراشادا ۇلىتاۋ وبلىسىنىڭ سولتۇستىگىندە قاتتى جاۋىن-شاشىن (جاڭبىر، قار) كۇتىلەدى. وبلىستىڭ باسىم بولىگىندە بۇرقاسىن، كوكتايعاق بولادى. وڭتۇستىك-باتىس، وڭتۇستىكتەن سوعاتىن جەل ەكپىنى سەكۋندىنا 23-28 مەترگە جەتەدى.
قىزىلوردا وبلىسىندا وڭتۇستىك-باتىستان سوعاتىن جەلدىڭ كۇشى 15-20، ەكپىنى سەكۋندىنا 23-28 مەترگە جەتەدى.
سولتۇستىكتە، شىعىس قازاقستان وبلىسىنىڭ ورتالىعىندا باياۋ بۇرقاسىن، كوكتايعاق كۇتىلەدى. تۇندە جانە تاڭەرتەڭ وبلىستىڭ سولتۇستىك-شىعىسىندا تۇمان كۇتىلەدى. وڭتۇستىك-شىعىستان سوعاتىن جەل باتىستا، سولتۇستىكتە، ورتالىقتا سەكۋندىنا 15-20 مەترگە جەتەدى.
كۇندىز اقتوبە وبلىسىنىڭ سولتۇستىگىندە بۇرقاسىن، كوكتايعاق كۇتىلەدى. باتىستان، سولتۇستىك-باتىستان سوعاتىن جەلدىڭ ەكپىنى 15-20 م/س جەتەدى.
باتىستا، سولتۇستىكتە، اباي وبلىسىنىڭ ورتالىعىندا باياۋ بۇرقاسىن، كوكتايعاق كۇتىلەدى. تۇندە جانە تاڭەرتەڭ وبلىستىڭ وڭتۇستىگىندە تۇمان تۇسەدى.
شىمكەنتتە وڭتۇستىك-باتىستان سوعاتىن جەلدىڭ كۇشى 15-20، تاڭەرتەڭ جانە كۇندىز ەكپىنى سەكۋندىنا 25 مەترگە جەتەدى.
اتىراۋ وبلىسىندا باتىستان، سولتۇستىك-باتىستان سوعاتىن جەلدىڭ كۇشى 15-20، ەكپىنى سەكۋندىنا 23 مەترگە جەتەدى.
باتىس قازاقستان وبلىسىندا سولتۇستىگىندە، شىعىسىندا بۇرقاسىن، كوكتايعاق كۇتىلەدى. سولتۇستىك-باتىستان سوعاتىن جەلدىڭ كۇشى - 15-20، ەكپىنى - 23 م/س.
قوستانايدا 14 قاراشادا وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى - 15-20، ەكپىنى سەكۋندىنا 23-28 مەتر.
سولتۇستىك قازاقستان وبلىسىنىڭ باسىم بولىگىندە جاۋىن-شاشىن (جاڭبىر، قار) كۇتىلەدى. وبلىستىڭ سولتۇستىگىندە، باتىسىندا كوكتايعاق كۇتىلەدى. وڭتۇستىكتەن جەل سوعادى، تۇندە 15-20، ەكپىنى سەكۋندىنا 23-28 مەترگە، كۇندىز وبلىستىڭ وڭتۇستىگىندە، شىعىسىندا ەكپىنى سەكۋندىنا 15-20 مەترگە جەتەدى.
ماڭعىستاۋ وبلىسىندا سولتۇستىك-باتىستان 15-20، وبلىستىڭ باتىسىندا ەكپىنى سەكۋندىنا 23 مەتر بولاتىن جەل سوعادى.