«BIR TOLQYNDA» ديالوگ الاڭىنىڭ كەزەكتى وتىرىسىندا جاستار بەلسەندىلەرى قازاقستان رەسپۋبليكاسىنىڭ پرەزيدەنتتىگىنە كانديدات قاسىم-جومارت توقايەۆتىڭ سايلاۋالدى باعدارلاماسىن تالقىلادى.
«جاستار رۋحى» بەلسەندىسى ايدا قالۋوۆا قاسىم-جومارت توقايەۆتىڭ ءبىلىم بەرۋ جانە جاستار ساياساتى سالاسىنداعى باستامالارىنا باسا نازار اۋداردى.
«جاستاردىڭ پروبلەمالارىن وزدەرىنەن ارتىق ەشكىم بىلمەيدى، سوندىقتان ولاردىڭ وزەكتى ماسەلەلەرىن شەشۋدە سىزدەردىڭ پىكىرلەرىڭىزدى ەلەمەۋگە بولمايدى. ساپالى ءبىلىم – جاستاردىڭ تابىسىنىڭ، ەلىمىزدى العا جىلجىتاتىن تالانتتى مامانداردىڭ قالىپتاسۋىنىڭ كەپىلى. قازاقستاندىق جاستاردىڭ وزدەرىن ەڭ بەلسەندى سايلاۋشىلار رەتىندە كورسەتەتىنىنە سەنىمدىمىن»، - دەدى ول.
«جاستار رۋحى» جاستار قاناتىنىڭ ەلورداداعى فيليالىنىڭ ءتوراعاسى ارسلانبەك ماعزۇمنىڭ پىكىرىنشە، جاستاردىڭ ءوزىن-وزى تانۋى ءۇشىن ەكونوميكالىق جانە الەۋمەتتىك جاعدايلار جاسالۋى ءتيىس.
«جاستاردىڭ الداعى پرەزيدەنتتىك سايلاۋعا دەگەن قىزىعۋشىلىعى ولاردىڭ ەل ىسىنە ارالاسۋعا دايىندىعىن، سايلاۋ پروسەستەرىنە دەگەن وزىندىك كوزقاراسى قالىپتاسقانىن كورسەتەدى. داۋىس بەرۋ قۇقىعى ۇلكەن جاۋاپكەرشىلىك ەكەنىن ءتۇسىنۋ ماڭىزدى جانە تاڭداۋ ءيمپۋلسيۆتى ەموسيونالدى شەشىم ەمەس، سانالى جانە ۇتىمدى بولۋى كەرەك»، – دەدى ول.
ايتا كەتۋ كەرەك، «Bir Tolqyndا» ديالوگ الاڭىنىڭ وتىرىستارى ەلىمىزدىڭ بارلىق وڭىرىندە ءوتتى.