پرەزيدەنتتىك جاستار كادر رەزەرۆىنىڭ رەسمي سايتىندا تەستىلەۋدىڭ كەلەسى بلوگى – «ساندىق اقپاراتپەن جۇمىس ىستەۋ قابىلەتىن باعالاۋعا» جىبەرىلگەن ۇمىتكەرلەر ءتىزىمى جاريالاندى، دەپ حابارلايدى Almaty-akshamy.kz.
Elorda.info-نىڭ مالىمەتىنشە، قازاندا وتكەن «ماتىندىك اقپاراتپەن جۇمىس ىستەۋ قابىلەتىن باعالاۋ» تەستىلەۋىنە 6 404 ۇمىتكەر تىركەلىپ، ونىڭ 5 398ء-ى قاتىستى. ۇمىتكەرلەر ماتىندىك اقپاراتتى تالداۋ قابىلەتىن انىقتاۋ تەستىنەن ءوتتى.
كەلەسى كەزەڭگە وتكەن تۇلعالاردىڭ تولىق ءتىزىمى pkrezerv.gov.kz رەسمي سايتىندا قولجەتىمدى.
ىرىكتەۋ تارتىبىنە سايكەس كەلەسى تەستىلەۋ – «ساندىق اقپاراتپەن جۇمىس ىستەۋ قابىلەتىن باعالاۋعا» قاتىسۋشىلاردىڭ جالپى سانىنىڭ 50% جىبەرىلەدى. بىرنەشە ۇمىتكەردىڭ ناتيجەسى بىردەي بولعان جاعدايدا كەلەسى تەستىلەۋ بلوگىنا كوبىرەك قاتىسۋشىلار سانى جىبەرىلۋى مۇمكىن.
وسىلايشا، تەستىلەۋدىڭ ەكىنشى بلوگى «ساندىق اقپاراتپەن جۇمىس ىستەۋ قابىلەتىن باعالاۋعا» ەڭ جاقسى ناتيجە كورسەتكەن 2 967 ۇمىتكەر جىبەرىلدى.
تەستىلەۋدىڭ ەكىنشى بلوگى 7 قازاندا وتەدى. ول ۇمىتكەردىڭ كەستەلەر، گرافيكالار جانە دياگراممالار تۇرىندەگى ساندىق اقپاراتپەن جۇمىس ىستەۋ قابىلەتىن انىقتاۋعا باعىتتالعان 25 تەست تاپسىرماسىنان تۇرادى.
«ساندىق اقپاراتپەن جۇمىس ىستەۋ قابىلەتىن باعالاۋ» تەستىلەۋىنە جىبەرىلگەن بارلىق ۇمىتكەرلەر 6 قازان ساعات 23:59-عا دەيىنگى مەرزىمدە (استانا ۋاقىتى بويىنشا) ءوزىنىڭ جەكە كابينەتىندە تەست تاپسىرۋ ۋاقىتىن تاڭداۋى قاجەت.