بىرەر ايدا حالقىمىزدىڭ سانى 20 ميلليونعا جەتەدى دەگەن بولجام بار.
ءقازىر ەلدە جىل سايىن 400 مىڭنان استام بالا دۇنيەگە كەلەدى. تيىسىنشە، وقۋشىلاردىڭ سانى ەكى ەسە كوبەيۋى مۇمكىن، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى مەملەكەت باسشىسى ۇستازداردىڭ القالى جيىنىندا ايتتى. الداعى ءۇش جىلدا 1 ميلليوننان استام جەتكىنشەك ستۋدەنت بولادى. ەندى ءبىلىم وردالارىنىڭ تاپشىلىعىن شەشۋ كەرەك. 2 جىلدىڭ ىشىندە، ءۇش اۋىسىممەن وقىتۋدان ءبىرجولا قۇتىلامىز. پرەزيدەنتتىڭ ۇسىنىسىمەن، كاسىپكەرلەر دە، مەكتەپ قۇرىلىسىنا بەلسەنە كىرىسەدى دەگەن سەنىم بار.
«جاقىندا عانا مەن ەلىمىزدىڭ كاسىپكەرلەرىمەن كەزدەسۋ بارىسىندا قايىرىمدىلىق رەتىندە وبلىستاردا، قالالاردا مەكتەپ سالۋ كەرەكتىگى تۋرالى ماسەلەنى قوزعادىم. بۇل – ازاماتتىق جاۋاپكەرشىلىك دەگەن ءسوز. سوندىقتان ءبىزدىڭ كاسىپكەرلەرىمىز وسى جۇمىسقا بەلسەندى تۇردە كىرىسەدى دەپ ويلايمىن. بۇدان بولەك، سىبايلاس جەمقورلىق ءۇشىن جاۋاپقا تارتىلعانداردىڭ زاڭسىز تاپقان تابىسى مەكتەپ سالۋعا جۇمسالىپ جاتىر. ءقازىردىڭ وزىندە 13 مەكتەپ سالىندى. جىل سوڭىنا دەيىن تاعى دا 33 مەكتەپ بوي كوتەرەدى»، - دەيدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ.