2023-2025 جىلدارعا ارنالعان دامۋ بولجامى ۇسىنىلدى
پرەزيدەنت قاسىم-جومارت توقايەۆقا 2022 جىلدىڭ قاڭتار-شىلدە ايلارىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى تۋرالى باياندالدى، دەپ حابارلايدى Almaty- akshamy.kz.
ءاليحان سمايىلوۆتىڭ ايتۋىنشا، وسى ارالىقتا ءجىو ءوسىمى 3،2 پايىزدى قۇرادى. تاۋارلار ءوندىرىسى 3،3 پايىزعا، كورسەتىلگەن قىزمەتتەر 2،4 پايىزعا ارتتى.
قۇرىلىس، ساۋدا، وڭدەۋ ونەركاسىبى، سونداي-اق كولىك جانە بايلانىس سالالارىندا ايتارلىقتاي ءوسىم بار.
پرەمەر-مينيستر پرەزيدەنتكە ۇكىمەتتىڭ الەۋمەتتىك ماڭىزى بار ازىق-تۇلىك تاۋارلارىنا باعانى تەجەۋ شارالارىنا قاتىستى مالىمەت بەردى.
ۇكىمەت 2022-2024 جىلدارعا ارنالعان ازىق-تۇلىك قاۋىپسىزدىگى جوسپارىن ورىنداپ كەلەدى.
پرەمەر-مينيستر ينفلياسيا دەڭگەيىن تومەندەتۋ، ەكونوميكانى دەمونوپوليزاسيالاۋ، ەلدىڭ ترانزيتتىك-كولىكتىك الەۋەتىن دامىتۋ جونىندەگى شارالار تۋرالى باياندادى.
ءاليحان سمايىلوۆ قۇنى 22،2 تريلليون تەڭگە بولاتىن ينۆەستيسيالىق جوبالاردىڭ جۇزەگە اسىرىلىپ جاتقانىن جەتكىزدى.
ۇكىمەت باسشىسى پرەزيدەنتكە قازاقستاننىڭ 2023-2025 جىلدارعا ارنالعان الەۋمەتتىك-ەكونوميكالىق دامۋ بولجامىن ۇسىندى.
پرەزيدەنت قۇرىلىمدىق رەفورمالار مەن ەكونوميكانى دەمونوپوليزاسيالاۋدى جالعاستىرىپ، كاسىپكەرلىككە قولداۋ كورسەتۋ قاجەت ەكەنىن ايتتى.
سونداي-اق حالىقتىڭ كىرىسىن ارتتىرۋدى قامتاماسىز ەتۋدىڭ ماڭىزىن اتاپ ءوتتى.