جالعان اقپارات تارالعان
ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ كوپشىلىكتى الاياقتارعا الدانباۋعا شاقىردى. ايتۋىنشا، بەلگىسىز بىرەۋلەر ءمينيستردىڭ اتىن جامىلىپ، جالعان اقپارات تاراتىپ ءجۇر، دەپ حابارلايدى Almaty- akshamy.kz.
«دوستار! قازىرگى تاڭدا الاياقتاردىڭ ءارتۇرلى امال-تاسىلدەرى كوبەيىپ كەتتى. البەتتە، كەز كەلگەن ادام ولاردىڭ ارباۋىنا وڭاي ءتۇسىپ قالۋى مۇمكىن. ماسەلەن، كەشەدەن بەرى كەيبىر ارىپتەستەرىمە «مەنىڭ اتىمنان» بەيتانىس ادام حابارلاسىپ، باسشىلىق قىزمەتكە تاعايىنداۋ بويىنشا ۇسىنىس جاساپ، اتالعان ۇسىنىستان باس تارتقان جاعدايدا جانە بەلگىلى ءبىر سوما بەرمەسە ىستەپ جۇرگەن جۇمىسىنان شىعارىلاتىنىن العا تارتقان. سونىمەن قاتار الاياقتار باسشىلىق لاۋازىمعا تاعايىنداۋ ءۇردىسى كوپ ۋاقىتتى تالاپ ەتەتىنىن ەسكەرتىپ، جەدەل جاۋاپ بەرۋدى سۇراعان»، - دەپ جازادى قايىربەك وسكەنبايەۆ Telegram ارناسىندا.
مينيستر بوس ارانداتۋعا بوي الدىرماي، ساق بولۋعا ۇندەدى.
«وسى رەتتە باسشىلىق لاۋازىمدارعا تاعايىنداۋ قوڭىراۋ شالۋ ارقىلى ەمەس، الدىمەن كونكۋرستىق ىرىكتەۋ نەگىزىندە، ودان كەيىن ءتيىستى ۋاكىلەتتى ورگاندارمەن كەلىسۋ بويىنشا جۇزەگە اسىرىلاتىنىن ەرەكشە اتاپ وتكىم كەلەدى. ەگەر ءسىز وسىنداي جاعدايعا تاپ بولساڭىز، ماعان جەكە حابارلاما جولداۋلارىڭىزعا بولادى نەمەسە يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز حاتشىسىنا حابارلاسا الاسىز»، - دەيدى مينيستر.