فورۋم 2 كەزەڭنەن تۇرادى
قازاقستاندا 2022 جىلدىڭ 15-19 تامىز ارالىعىندا ورتا ازيا ۆولونتەرلەرىنىڭ ءبىرىنشى فورۋمى وتەدى، دەپ حابارلايدى Almaty- akshamy.kz. ۇيىمداستىرۋشى – ق ر اقپارات جانە قوعامدىق دامۋ مينيسترلىگى.
ءىس-شارا مەملەكەت باسشىسى قاسىم-جومارت توقايەۆتىڭ 2020 جىلى بۇۇ باس اسسامبلەياسىنىڭ 75-سەسسياسىندا سويلەگەن سوزىندەگى ۆولونتەرلەردى جۇمىلدىرۋدىڭ حالىقارالىق جىلىن جاريالاۋ جونىندەگى باستاماسىن قولداۋعا باعىتتالعان.
بۇعان دەيىن قازاقستان رەسپۋبليكاسىنىڭ پرەزيدەنتى 2020 جىلدى «ۆولونتەر جىلى» دەپ جاريالاعان بولاتىن.
فورۋم قازاقستان، قىرعىزستان، تاجىكستان، تۇركىمەنستان، ءازىربايجان، ارمەنيا جانە وزبەكستان ۆولونتەرلەرىنىڭ باسىن قوسادى.
قاتىسۋشىلار ۆولونتەرلىكتىڭ جاڭا ۇردىستەرىن، ۆولونتەرلىكتى دامىتۋداعى قازاقستاننىڭ جاقسى تاجىريبەسىن تالقىلايدى. سونداي-اق ۇزدىك جوبالاردى جانە بۇۇ ۆولونتەرلەر باعدارلاماسىن – الەمدەگى ەرىكتىلىكتىڭ جاي-كۇيى تۋرالى «بارشاعا تەڭ قوعام قۇرۋ» بايانداماسىن ۇسىنادى.
بايانداما افريكا، اراب ەلدەرى، ازيا-تىنىق مۇحيتى، ەۋروپا، تمد، لاتىن امەريكاسى جانە كاريب باسسەينىندە جۇرگىزىلگەن كەيستەرگە نەگىزدەلگەن.
فورۋم 2 كەزەڭنەن تۇرادى.
I كەزەڭ. 15-16 تامىزدا بۋراباي ۇلتتىق پاركىندە جانە تۇركىستان وبلىسىندا حالىقارالىق ۆولونتەرلەر مەن ساراپشىلاردىڭ قاتىسۋىمەن قازاقستاننىڭ ۆولونتەرلىكتى دامىتۋداعى تاجىريبەسىن تالقىلاۋ، ۇزدىك ۆولونتەرلىك جوبالاردى تانىستىرۋ ءۇشىن وفلاين فورماتتا پىكىرتالاس وتەدى. قاتىسۋشىلاردى ءبىلىم بەرۋ، ەكولوگيا، مەديسينا، جۇمىسقا ورنالاستىرۋ، ينكليۋزيا، بۇقارالىق سپورت، ەتنو-ەرىكتىلىك، ۇزدىك تاجىريبەلەر، شىعارماشىلىق ايماق جانە الەۋمەتتىك شەبەرحانانىڭ جەكە باعىتتارى بويىنشا ويىن پراكتيكاسى كۇتىپ تۇر.
II كەزەڭ. 18-19 تامىزدا ەلوردادا TEDx talks فورماتىنداعى قورىتىندى فورۋم وتەدى. وندا پانەلدىك سەسسيالار، ۆولونتەرلىك قىزمەت كەڭەسى/پۋلى الاڭدارى ۇيىمداستىرىلىپ، دەلەگاتتار ءسوز سويلەيدى. كۇننىڭ نەگىزگى بولىگىندە 2022 جىلى ببمدۇ-نىڭ قارارى جاريالانىپ، ارنايى سەسسيا وتەدى.
فورۋم بويىنشا بارلىق ماتەريالداردى مىنا سىلتەمە ارقىلى كورۋگە بولادى. https://drive.google.com/drive/folders/19zgZwnJF83Z158aSsmqJ5d7PWr_wXP4x
باق-قا ارنالعان بايلانىس مالىمەتتەرى:
اقەركە بەرلىباي (PR مەنەدجەرى) + 7 702 911 8907
Instagram - https://www.instagram.com/qazvolunteer.kz/
Facebook - https://www.facebook.com/qazvolunteer