مەملەكەت باسشىسى قاسىم-جومارت توقايەۆ ۇكىمەتتىڭ كەڭەيتىلگەن كەڭەسىندە تۇراقتاندىرۋ قورلارىنىڭ جۇمىسىن سىنعا الدى، دەپ حابارلايدى اlmaty-akshamy.kz.
«وتاندىق ءونىم كولەمىن ارتتىرۋدان بولەك باعانىڭ كۇرت ءوسۋىن بولدىرماۋ ءۇشىن تۇراقتاندىرۋ قورلارىن دۇرىس پايدالانۋ قاجەت. بۇگىندە ولار شاشىراڭقى ءارى جابىق ارەكەت ەتىپ وتىر. سىبايلاس جەمقورلىق سحەمالارى ۇدايى اشكەرە بولىپ جاتىر. سوندىقتان ازىق-تۇلىك كورپوراسياسى مەن الەۋمەتتىك-كاسىپكەرلىك كورپوراسيالارداعى تۇراقتاندىرۋ قورلارىنىڭ نەگىزگى ماڭىزعا يە تاۋار باعاسىن ينتەرۆەنسيالاۋ مەن ساتىپ الۋداعى الەۋەتىن پايدالانىپ، ۇيلەستىرۋ جۇمىستارىن كۇشەيتۋ كەرەك»، - دەدى پرەزيدەنت.
مەملەكەت باسشىسىنىڭ پايىمداۋىنشا، بۇل باعىتتاعى تاسىلدەردىڭ بىرىزدىلىگى، مەملەكەتتىك كومپانيالاردىڭ باعا اۋىتقۋىن تومەندەتۋگە باعدارلانۋى ينفلياسياعا قارسى نارىقتىق قۇرال قالىپتاستىرۋعا مۇمكىندىك بەرمەك.