ۇكىمەت مۇناي ونىمدەرىنىڭ باعاسىن قايتا قاراۋ كەزىندە مەملەكەتكە تولەنەتىن سالىقتى ارتتىرۋ جونىندە قوسىمشا شارالار قابىلداۋى ءتيىس. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«جۇرت كوممۋنالدىق قىزمەت ءۇشىن تولەگەن اقشاسى قايدا كەتىپ جاتقانىن كورىپ وتىرۋى ءتيىس. قازىرگى زامانعى اقپاراتتىق تەحنولوگيا بۇعان تولىق مۇمكىندىك بەرەدى. جانار-جاعارمايدىڭ باعاسىن كوتەرۋ ماسەلەسىنە دە ءدال وسىلاي قاراعان ءجون. تۇسكەن قارجىنى دەلدالدار، ياعني الىپساتارلار يەمدەنىپ كەتپەۋى قاجەت. ونى جاڭا مۇناي-گاز جوبالارىن جۇزەگە اسىرۋعا جانە مۇناي وڭدەۋ زاۋىتتارىن جاڭعىرتۋعا جۇمساۋ كەرەك»، - دەدى قاسىم-جومارت توقايەۆ.
وسى ورايدا پرەزيدەنت ۇكىمەت مۇناي ونىمدەرىنىڭ باعاسىن قايتا قاراۋ كەزىندە مەملەكەتكە تولەنەتىن سالىقتى ارتتىرۋ جونىندە قوسىمشا شارالار قابىلداۋى ءتيىس ەكەنىن ايتتى
«جالپى، تاريف ساياساتى بويىنشا ۇكىمەتكە تاۋارلار مەن قىزمەتتەردى رەتتەيتىن «تۇتىنۋدىڭ الەۋمەتتىك نورماسىن» ەنگىزۋ ماسەلەسىن پىسىقتاۋدى تاپسىرامىن. بۇل – حالىقارالىق تاجىريبە»، - دەدى مەملەكەت باسشىسى.