ايماق اكىمى اتقارىلعان جۇمىستار تۋرالى ەسەپ بەردى.
مەملەكەت باسشىسى قاسىم-جومارت توقايەۆ تۇركىستان وبلىسىنىڭ اكىمى ءومىرزاق شوكەيەۆتى قابىلدادى، دەپ حابارلايدى Almaty-akshamy.kz اقوردا سايتىنا سىلتەمە جاساپ.
قاسىم-جومارت توقايەۆقا 2021 جىلى تۇركىستان وبلىسىندا اتقارىلعان جۇمىستار تۋرالى ەسەپ بەرىلدى.
ءومىرزاق شوكەيەۆتىڭ ايتۋىنشا، ەكونوميكانىڭ نەگىزگى كورسەتكىشى – جالپى وڭىرلىك ءونىم كولەمىنىڭ ءوسىمى بىلتىر، 2020 جىلمەن سالىستىرعاندا، 4،7 پايىزعا ارتقان. اۋىل شارۋاشىلىعى سالاسىندا 906،5 ميلليارد تەڭگەنىڭ ءونىمى ءوندىرىلىپ، ءوسىم 101،7 پايىزدى قۇراعان. بۇل ناتيجە وبلىستىڭ رەسپۋبليكاداعى ۇلەسى بويىنشا ەكىنشى ورىنعا شىققانىن كورسەتەدى. ايماق اكىمى «قاراپايىم زاتتار ەكونوميكاسى» باعدارلاماسى اياسىندا 315 جوبا قارجىلاندىرىلعانىن ايتتى.
پرەزيدەنتكە وڭىردەگى قۇرىلىس قارقىنىڭ ارتقانى تۋرالى مالىمەت بەرىلدى. قۇرىلىس جۇمىستارىنىڭ كولەمى، 2020 جىلمەن سالىستىرعاندا، 4،1 پايىزعا ارتقان. ءومىرزاق شوكەيەۆ تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە قالىپتاستىرۋ جۇمىستارىنىڭ ءبىرىنشى كەزەڭى اياقتالىپ، الەۋمەتتىك ينفراقۇرىلىمنىڭ نەگىزى قالانعانىن جەتكىزدى. ونىڭ ايتۋىنشا، وبلىستىڭ 2021-2025 جىلدارعا ارنالعان جاڭا كەشەندى جوسپارى بەكىتىلگەن.
وبلىس اكىمى «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس، سايرام اۋدانىندا جۇزەگە اسىرىلعان «پاراسات» پىكىرتالاس كلۋبى پيلوتتىق جوباسى تۋرالى باياندادى. اتالعان جوبا وبلىس، اۋدان، ايماقتاعى كۇشتىك قۇرىلىم باسشىلارىنىڭ تۇرعىندارمەن كەزدەسۋلەرىن، اشىق اڭگىمەلەسۋلەرىن قامتاماسىز ەتەدى.
قاسىم-جومارت توقايەۆ تۇركىستان وبلىسىندا اتقارىلىپ جاتقان جۇمىستارعا وڭ باعا بەرە وتىرىپ، قولعا الىنعان جوبالاردى جالعاستىرۋدى جانە حالىقپەن تىعىز جۇمىس ىستەۋدى كۇشەيتۋدى تاپسىردى.