قازاقستان ينۆەستورلارىنىڭ شەتەلگە تىكەلەي ينۆەستيسياسى بىلتىرعى قاڭتار-قىركۇيەك ارالىعىندا 1،5 ملرد اقش دوللارىنا جەتتى.
2020 جىلدىڭ 12 ايىندا كورسەتكىش 1،4 ملرد اقش دوللارىن قۇراعان بولاتىن. ياعني توعىز ايدىڭ كورسەتكىشى بويىنشا ءوسىم 35،8%-عا تەڭ بولىپ وتىر، دەپ حابارلايدى Almaty-akshamy.kz
قازاقستاندىق ينۆەستورلاردىڭ شەتەلگە تىكەلەي ينۆەستيسياسىنىڭ 1 ملرد دوللارى قارجى جانە ساقتاندىرۋ قىزمەتىنە تيەسىلى. ودان كەيىنگى ورىندا – كاسىبي جانە عىلىمي تەحنيكالىق قىزمەت (117،4 ملن دوللار) جانە ءۇي شارۋاشىلىعى مەن تۇتىنۋ تاۋارلارى ءوندىرىسى (96،7 ملن دوللار).
اقشا اۋدارىمدارىنىڭ ىشىندە باسىم بولىگى – وفشور ەلدەرى. بىلتىر العاشقى توعىز ايدا ەڭ كوپ كايمان ارالدارىنا 637،5 ملن دوللار اۋدارىلعان. بۇل ەلگە اۋدارىلعان اقشا كولەمى ءبىر جىلدا 3 ەسە كوبەيدى.
ارتىنشا رەسەي (253،1 ملن دوللار)، ءۇشىنشى ورىندا دا وفشور – سەيشەل ارالدارى (176،6 ملن دوللار).
ايتا كەتەرلىگى، اۋدارىلعان ينۆەستيسيا بىلتىر ءۇشىنشى توقساندا اۋدارىلدى. وعان دەيىن قازاقستاندىق ينۆەستورلار سەيشەل ارالدارىنا اقشا اۋدارا قويمايتىن.
ەسەسىنە كايمان ارالدارىنا ينۆەستيسيا تۇراقتى كوبەيىپ بارادى. كايمان ارالدارىنىڭ ۇلەسى 2011 جىلى جالپى شەتەلگە اۋدارىلعان تىكەلەي ينۆەستيسيانىڭ 0،1%-ىن قۇراسا، 2020 جىلى كورسەتكىش 23،3% بولدى. ال 2021 جىلدىڭ توعىز ايىندا 42،2% بولدى.